ផ្អាកសម្តែងមួយរយៈ ចាវ វៃ សម្រេចត្រឡប់មកវិញជាមួយនឹងរឿងភាគថ្មី

កម្សាន្ត៖ សេដ្ឋីនី ចាវ វៃ ឬ ព្រះនាងត្រចៀកកាំ បានចាប់ផ្តើមត្រឡប់មកវិញសាជាថ្មីជាមួយនឹងភាពយន្តដែលកំពុងដំណើរការថត “As Long As We Are Together”។ ភាពយន្តនេះបានឆ្លុះបញ្ចាំងពីជីវិតប្តីប្រពន្ធមួយគូដែលត្រូវរ៉ាប់រងការងារជាច្រើនដូចជាការចិញ្ចឹមកូន ការមើលថែទាំឪពុកម្តាយដែលមានវ័យចាស់ជរាជាដើម។ គួររម្លឹកដែរថា ក្រោយសម្រាកអស់មួយរយៈ ភាពយន្តចុងក្រោយដែល ចាវ វៃ បានសម្តែងគឺនៅឆ្នាំ ២០១៥ ក្នុងរឿងភាគ “Tiger Mom”។

មកទល់ពេលនេះ អ្នកគាំទ្រកំពុងទន្ទឹងរង់ចាំទស្សនារឿងភាគថ្មីរបស់ ចាវ វៃ និងចង់ដឹងពីសាច់រឿងយ៉ាងអន្ទះសា ស្របពេលនោះដែរក៏មានអ្នកគាំទ្រមួយចំនួនបាននិយាយថាពួកគេជឿជាក់រឿង “As Long As We Are Together” មួយនេះប្រាកដជាល្អមើល ព្រោះរឿងដែល ចាវ វៃ ទទួលទាំងប៉ុន្មានគឺសុទ្ធជាការងារតែផ្តល់នូវគុណភាព៕

ប្រែសម្រួល៖ គង់ ចាន់ស្រីនុច