Connect with us

លោកត្រាំ ជាប្រធានាធិបតីអាមេរិកដំបូង ដែលមិនចិញ្ចឹមសត្វ តែលោកបៃឌិន នឹងធ្វើរឿងផ្ទុយគ្នា

អាមេរិក៖ ការឡើងកាន់តំណែងប្រធានាធិបតី របស់លោក ចូ បៃឌិន នឹងមិនត្រឹមតែធ្វើឱ្យមានការផ្លាស់ប្ដូរគោលនយោបាយប៉ុណ្ណោះទេ ប៉ុន្តែក៏មានការផ្លាស់ប្ដូរនូវបរិស្ថានជុំវិញនៅក្នុងបរិវេណសេតវិមានផងដែរ។

លោក ដូណាល់ ត្រាំ គឺជាប្រធានាធិបតីអាមេរិកដំបូង ក្នុងរយៈពេល១០០ឆ្នាំ ដែលមិនចិញ្ចឹមសត្វនៅសេតវិមាន។ យ៉ាងណាមិញ លោក ចូ បៃឌិន ត្រូវគេរំពឹងថា លោកនឹងនាំយកសត្វចិញ្ចឹមចំនួន ២ក្បាល ទៅកាន់សេតវិមាន ពោលគឺ ឈែម (Champ) និង ម៉េជឺ (Major) ដែលជាសុនខចិញ្ចឹមដែលលោកនឹងនាំយកពីលំនៅឋានរបស់លោកផ្ទាល់តែម្ដង។

មិនទាន់ចូលដល់សេតវិមានផង សុនខទាំងពីរក្បាល មានអ្នកតាមដាននៅក្នុងបណ្ដាញសង្គមរាប់ម៉ឺននាក់ ក្នុងប្រព័ន្ធទ្វីតធឺ។ ឈែម និង ម៉េជឺ ជាសំណព្វចិត្តរបស់លោក ចូ បៃឌិន ។ លោក បៃឌិន បានយក ឈែម មកចិញ្ចឹមពេលវានៅតូច កាលពីលោកជាអនុប្រធានាធិបតី ក្នុងឆ្នាំ២០០៨។ ចំណែកភរិយារបស់លោក គឺលោកស្រី ជីល (Jill) បានគាំទ្រលោក បៃឌិន ដែលចិញ្ចឹមឈែម។

ឈ្មោះឈែមនេះ ត្រូវបានចៅរបស់លោក បៃឌិន ជាអ្នកដាក់ឱ្យសុនខខាងលើ។ ដោយឡែក ម៉េជឺ គឺជាសុនខដែលគ្មានម្ចាស់ ហើយលោក បៃឌិន បានយកមកចិញ្ចឹមនៅឆ្នាំ២០១៨ ពីសមាគមអ្នកស្រឡាញ់សត្វរដ្ឋ Delaware ៕

ប្រភព៖ BBC

ប្រែសម្រួល៖ លាភ

  • អត្ថបទទាក់ទង :
  • Featured
Loading...

ពេញនិយម