Connect with us

ខ្សែប្រយុទ្ធ Martin Braithwaite និងកីឡាករដាណឺម៉ាក៧រូបទៀត ត្រូវដាក់ខ្លួនដាច់ដោយឡែកព្រោះកូវីដ១៩

អេស្ប៉ាញ៖ ប្រភពពីសារព័ត៌មាន Marca បានឱ្យដឹងថា ខ្សែប្រយុទ្ធ Martin Braithwaite របស់ Barcelona កីឡាករជម្រើសជាតិដាណឺម៉ាក៧រូបទៀត រួមទាំងក្រុមការងាររបស់គ្រូបង្វឹកក្រុមជម្រើសជាតិដាណឺម៉ាក ត្រូវបានដាក់ខ្លួននៅដាច់ដោយឡែកក្នុងសណ្ឋាគារមួយ ក្រោយពីមានសមាជិកពីររូប រកឃើញថាបានឆ្លង កូវីដ១៩ កាលពីថ្ងៃចន្ទ។

កីឡាករ Robert Skov និង គ្រូបង្វឹកកាយសម្បទា ធ្វើតេស្ដវិជ្ជមានជំងឺខាងលើនេះ ហើយក្រុមជម្រើសជាតិដាណឺម៉ាក បានចាត់វិធានការទៅលើអ្នកដែលបានប៉ះពាល់ជាមួយពួកគេ ឱ្យនៅដាច់ដោយឡែក ដែលក្នុងនោះមាន Braithwaite ម្នាក់ដែរ។

ក្នុងចំណោមអ្នកទាំងនោះ គ្មាននរណាម្នាក់ដែលនឹងត្រូវមានវត្តមានសម្រាប់ការប្រកួតទល់នឹងក្រុមជម្រើសជាតិស៊ុយអែត នាយប់ថ្ងៃពុធនេះទេ។

យ៉ាងណាក្ដី ពួកគេអាចត្រលប់មកចូលរួមវិញបាន សម្រាប់ការប្រកួតបន្ទាប់ នៅពេលរកឃើញថា ពួកគេធ្វើតេស្ដអវិជ្ជមាន៕

  • អត្ថបទទាក់ទង :
  • Featured
Loading...

ពេញនិយម