Connect with us

ខ្ជិលធ្វើដូចគេណាស់! គូស្នេហ៍មួយគូស្លៀកឈុតដាយណូស័រថតរូបថ្ងៃភ្ជាប់ពាក្យវិញ កុំឱ្យដូចគេដដែលៗពេក

អាមេរិក៖ រូបភាពគូស្នេហ៍ជាច្រើនរូបមកហើយដែលបានតែងខ្លួនស្អាតៗសម្រាប់ថតរូបថ្ងៃភ្ជាប់ពាក្យរបស់ខ្លួនដើម្បីទុកជាអនុស្សាវរីយ៍ ប៉ុន្តែសម្រាប់គូស្នេហ៍ដែលទើបតែភ្ជាប់ពាក្យហើយថ្មីៗនេះបែរជាជ្រើសរើសសម្លៀកបំពាក់ឈុតដាយណូស័រ ដើម្បីបំពាក់ចិញ្ចៀនថ្ងៃភ្ជាប់ពាក្យរបស់ខ្លួនទៅវិញ។

Jenna Krupar និង Josh Retting បានសម្រេចចិត្តបែបនេះដោយសារពួកគេមិនចង់ធ្វើរបៀបដដែលៗ មើលទៅហាក់គ្មានអ្វីប្លែក ទើបអ្នកទាំង ២ សម្រេចចិត្តស្លៀកឈុតដាយណូស័រសម្រាប់ថតរូបថ្ងៃភ្ជាប់ពាក្យខ្លួនបែបនេះ។

រីឯមូលហេតុដ៏សាមញ្ញនោះគឺ ដោយសារតែខាងស្រីចូលចិត្តរូបដាយណូស័រតាំងពីនៅក្មេងម្ល៉េះ។ ប៉ុន្តែ កាពិតជាក់ស្តែង ពួកគេបានត្រៀមឈុតនេះសម្រាប់ថ្ងៃបុណ្យ Halloween ប៉ុណ្ណោះ ភ្លាមៗអ្នកទាំង ២ ក៏មានគំនិតមួយផុសឡើងថា ប្រសិនជាស្លៀកឈុតដាយណូស័រសម្រាប់ថតរូបថ្ងៃភ្ជាប់ពាក្យវិញ វាយ៉ាងម៉េចដែរ?

ជាការពិតណាស់ដែលលទ្ធផលចេញមកពិតជាគួរឱ្យចាប់អារម្មណ៍ជាខ្លាំង។ គួរបញ្ជាក់ដែរថា ក្រោយថតរូបភាពទាំងនោះហើយ Jenna Krupar និង Josh Retting ក៏បានដាក់ចូលក្នុងវេបសាយដោយទទួលបានការកោតសរសើរថាអ្នកទាំង ២ ពិតជាមានភាពផ្អែមល្ហែម ថែមទាំងបានធ្វើឱ្យមនុស្សមួយចំនួនផ្ទុះសំណើចទៀតផង៕

ប្រភព៖ Insider

ប្រែសម្រួល៖ គង់ ចាន់ស្រីនុច

Loading...

ពេញនិយម