រដ្ឋមន្ត្រីការបរទេសកម្ពុជា ទទួលលទ្ធផលអវិជ្ជមានកូវីដ១៩ ក្រោយធ្វើតេស្តជាលើកទី២

ភ្នំពេញ៖ រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ លោក ប្រាក់ សុខុន បានឱ្យដឹងថា បន្ទាប់ពីធ្វើតេស្តចំនួន២ដងរួចមកទៅលើក្រុមគ្រួសារ និងរូបគាត់ផ្ទាល់ លទ្ធផលបង្ហាញថា អវិជ្ជមានកូវីដ១៩ ទាំងអស់។

លោករដ្ឋមន្ត្រី ប្រាក់ សុខុន ដែលបានប៉ះពាល់ជាមួយរដ្ឋមន្ត្រីការបរទេស និងពាណិជ្ជកម្មហុងគ្រី លោក ភីធើ ស៊ីចាតូ ក្នុងព្រឹត្តិការណ៍ ០៣វិច្ឆិកា តំាងពីថ្ងៃបន្ទាប់ពីទស្សនកិច្ចលោករដ្ឋមន្ត្រីការបរទេសហុងគ្រីមក លោកនៅតែរក្សាទម្លាប់ប្រចាំថ្ងៃដដែល គឺក្រោកហាត់ប្រាណខ្ទង់ម៉ោង៥ភ្លឺ ទទួលទានអាហារពេលព្រឹកចន្លោះពីម៉ោង ៦:៤៥ នាទី ទៅម៉ោង ៧:០០ នាទី រួចចូលបន្ទប់ធ្វើការ (ពេលនេះគឺធ្វើការក្នុងផ្ទះ) ដូចកាលមិនទាន់មានករណីព្រឹត្តិការណ៍ ៣ វិច្ឆិកា យ៉ាងដូច្នេះ។ លោកបានបន្តថា កម្ដៅក្នុងខ្លួនធម្មតា បាយក៏បាន សម្រាន្តក៏ស្រួល៕

អត្ថបទ៖ លាភ