Jadon Sancho និយាយថាព័ត៌មានចចាមអារ៉ាម មិនប៉ះពាល់ទម្រង់លេងរបស់គេនោះទេ

អាល្លឺម៉ង់៖ ខ្សែប្រយុទ្ធ Jadon Sancho បាននិយាយថា ទោះជាមានពាក្យចចាមអារ៉ាមជាច្រើនទាក់ទងនឹងការផ្លាស់ទៅកាន់ក្រុមបិសាចក្រហម Manchester United របស់គេក៏ដោយ ក៏រឿងនេះមិនធើ្វឱ្យប៉ះពាល់ដល់ទម្រង់លេងរបស់គេឡើយ។

បច្ចុប្បន្ន Sancho នៅតែបន្ដលេងឱ្យក្រុម Borussia Dortmund ដដែលសម្រាប់រដូវកាលនេះ ក្រោយពីមានការទាក់ទងខ្លាំងទៅការផ្ទេរទៅកាន់ Old Trafford ជាច្រើនលើកយ៉ាងណាក្ដី។

ក្នុងនោះ Sancho ក៏បាននិយាយថា គេមានអារម្មណ៍ថា គ្រប់កីឡាករទាំងអស់ក្នុងអាជីពរបស់គេ តែងតែជួបពាក្យចចាមអារ៉ាម ហើយគេក៏កំពុងតែជួបដូចគ្នា។ ហើយចុងក្រោយគេពេញចិត្ដនូវការលេងពេលនេះដែលគ្រូបង្វឹកបានដាក់ឱ្យរូបគេលេង៕