តម្លៃសាំងបន្តធ្លាក់ចុះ តែប្រេងម៉ាស៊ូតបានហក់ឡើងវិញ ចាប់ពីថ្ងៃទី១៦ខែវិច្ឆិកា

ភ្នំពេញ៖ ក្រសួងពាណិជ្ជកម្ម បានឱ្យដឹងថា តម្លៃលក់រាយប្រេងឥន្ធនៈ សម្រាប់អនុវត្តចាប់ពីថ្ងៃទី១៦ ដល់ថ្ងៃទី៣០ ខែវិច្ឆិកា ឆ្នាំ២០២០ សាំងធម្មតា EAB2 បានធ្លាក់ចុះមកត្រឹម ២,៩០០រៀលក្នុងមួយលីត្រ។ ដោយឡែក សម្រាប់ប្រេងម៉ាស៊ូត បានហក់ឡើងដល់ ២,៦០០រៀលក្នុងមួយលីត្រ។

សូមបញ្ជាក់ថា នៅដើមខែវិច្ឆិកា ប្រេងសាំងមានតម្លៃ ២,៩៥០រៀលក្នុងមួយលីត្រ និងប្រេងម៉ាស៊ូតមានតម្លៃ ២,៥៥០រៀលក្នុងមួយលីត្រ។ សម្រាប់ពាក់កណ្តាលខែវិច្ឆិកានេះ ប្រេងសាំងបានបន្តធ្លាក់ចុះ៥០រៀល និងប្រេងម៉ាស៊ូតបានឡើងថ្លៃចំនួន ៥០រៀលក្នុងមួយលីត្រ៕