Connect with us

លោក សួស យ៉ារ៉ា សមាជិកសភាប៉ះពាល់ព្រឹត្តិការណ៍០៣វិច្ឆិកា ជាសះស្បើយ COVID-19

លោក សួស យ៉ារ៉ា សមាជិកសភាដែលបានស្ថិតនៅក្នុងព្រឹត្តិការណ៍ ០៣វិច្ឆិកា បានជាសះស្បើយពី COVID-19 ហើយក៏មានស្ត្រីជនជាតិខ្មែរ ១ នាក់ទៀតព្យាបាលជាដូចគ្នា មានអាសយដ្ឋានស្នាក់នៅស្រុកចិត្តបុរី ខេត្តក្រចេះ។

តែក្នុងថ្ងៃនេះក៏មានអ្នកឆ្លងថ្មី ១ ករណីថែមទៀតដែរ ដែលជាបុរសជនជាតិខ្មែរ-អាមេរិកកាំងអាយុ ៥៦ ឆ្នាំស្នាក់នៅបុរីមួយកន្លែងក្នុងរាជធានីភ្នំពេញ និងបានធ្វើដំណើរមកពីសហរដ្ឋអាមេរិក បន្តជើងហោះហើរនៅប្រទេសចិនតៃវ៉ាន ហើយមកដល់កម្ពុជាកាលពីថ្ងៃទី១៥ ខែវិច្ឆិកា ឆ្នាំ២០២០។ ក្រោយលទ្ធផលតេស្តចេញដោយវិទ្យាស្ថានជាតិប៉ាស្ទ័រកម្ពុជា បុរសរូបនោះ ត្រូវដាក់ឱ្យសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត។

សរុបតួលេខអ្នកឆ្លងជំងឺ COVID-19 នៅកម្ពុជាមាន ៣០៣ នាក់ (ស្ត្រី៦១ នាក់ និងបុរស ២៤២ នាក់) ក្នុងនោះព្យាបាលសះស្បើយមានចំនួន ២៨៩ នាក់ និងកំពុងសម្រាកព្យាបាលនៅមន្ទីរពេទ្យរដ្ឋ ១២ នាក់ សម្រាកព្យាបាលនៅមន្ទីរពេទ្យមិត្តភាពខ្មែរ-សូវៀតជាបុរស ១១ និងស្ត្រី ១ នាក់៕

ប្រភព៖ Hello Krupet

  • អត្ថបទទាក់ទង :
  • Featured
Loading...

ពេញនិយម