Connect with us

អាហ្សង់ទីនរំពឹងឈ្នះប៉េរូក្នុងជុំទី៤ វគ្គជម្រុះ World Cup 2022 តំបន់អាមេរិកខាងត្បូង

ប៉េរូ៖ ក្រុមបាល់ទាត់ជម្រើសជាតិបអាហ្សង់ទីនបានបើកការហ្វឹកហាត់កាលពីថ្ងៃចន្ទ ខណៈពួកគេត្រូវត្រៀមប៉ះក្រុមម្ចាស់ផ្ទះប៉េរូ នៅក្នុងជុំទី៤ វគ្គជម្រុះ World Cup 2022 តំបន់អាមេរិកខាងត្បូង។

ការប្រកួតនេះ ក្រុមពពកសបានដាក់ក្តីសង្ឃឹមថា ពួកគេនឹងអាចទទួលបានជ័យជម្នះឡើងវិញ បន្ទាប់ពីបានត្រឹមស្មើក្រុមប៉ារ៉ាហ្គាយទាំងមិនអស់ចិត្ត ១-១ កាលពីសប្តាហ៍មុន។

ដោយឡែក ការប្រកួតដែលនឹងធ្វើឡើងនាទីក្រុង Lima នាព្រឹកថ្ងៃពុធស្អែក។ កងសន្តិសុខរបស់ប៉េរូបានផ្តល់ការបញ្ជាក់នូវការធានាសុវត្ថិភាពទៅកាន់ស្ថាប័ន FIFA រួចហើយ បើទោះជាពួកគេកំពុងមានវិបត្តិនយោបាយក្តី។

ក្រុមកីឡាករអាហ្សង់ទីន គ្រោងនឹងធ្វើដំណើរទៅកាន់ទីក្រុង Lima នារសៀលនេះ ដោយអាជ្ញាធរបានរៀបចំប្រតិបត្តិការសន្តិសុខនៅជុំវិញសណ្ឋាគារដែលពួកគេនឹងស្នាក់នៅ។

អាហ្សង់ទីន និង ប្រេស៊ីល គឺជាក្រុមកំពុងនាំមុខគេ ក្នុងការប្រកួតវគ្គជម្រុះ World Cup 2022 តំបន់អាមេរិកខាងត្បូង ដោយឆ្លងកាត់៣ប្រកួតកន្លងមក ប្រេស៊ីល មាន៩ពិន្ទុពេញ ឈរកំពូលតារាង ហើយអាហ្សង់ទីននៅលេខ២មាន៧ពិន្ទុ៕

  • អត្ថបទទាក់ទង :
  • Featured
Loading...

ពេញនិយម