Connect with us

អ្នកដំណើរឆ្លងកាត់ព្រលានយន្តហោះកម្ពុជា មានការធ្លាក់ចុះ ៧៨%

ភ្នំពេញ៖ យោងតាមរបាយការណ៍របស់រដ្ឋលេខាធិការអាកាសចរស៊ីវិល បានឱ្យដឹងថា ព្រលានយន្តហោះនៅប្រទេសកម្ពុជា បានស្វាគមន៍អ្នកដំណើរចំនួន ២.០៩៩.៨១២ នាក់ ក្នុងរយៈពេល ១០ខែឆ្នាំ២០២០ ធ្វើឱ្យចំនួនអ្នកដំណើរមានការធ្លាក់ចុះ ៧៨% បើធៀបនឹងរយៈពេលដូចគ្នាកាលពីឆ្នាំ២០១៩។

របាយការណ៍ខាងលើបន្តថា ព្រលានយន្តហោះអន្តរជាតិភ្នំពេញ បានទទួលអ្នកដំណើរចំនួន ១.២៧១.២៤៥ នាក់ ធ្លាក់ចុះ ៧៤% ព្រលានយន្តហោះអន្តរជាតិខេត្តសៀមរាប ទទួលអ្នកដំណើរ ៦១៨.៤៥៩ នាក់ ធ្លាក់ចុះ ៨១% និងព្រលានយន្តហោះអន្តរជាតិខេត្តព្រះសីហនុ ទទួលអ្នកដំណើរ ២១០.១០៨ នាក់ ធ្លាក់ចុះ ៨៦%។

សម្រាប់ខែតុលា ឆ្នាំ២០២០ ព្រលានយន្តហោះអន្តរជាតិភ្នំពេញ ទទួលអ្នកដំណើរ ៣៧.៩០៨នាក់ ធ្លាក់ចុះ ៩២% ធៀបនឹងឆ្នាំមុន ខណៈការដឹកទំនិញ ក៏មានការថយចុះ ២៣% ផងដែរ។

ព្រលានយន្តហោះអន្តរជាតិខេត្តសៀមរាប បានទទួលអ្នកដំណើរត្រឹមតែ ២០១នាក់ ប៉ុណ្ណោះកាលពីខែតុលាកន្លងទៅ ស្របពេលដែលព្រលានយន្តហោះអន្តរជាតិខេត្តព្រះសីហនុ ទទួលអ្នកដំណើរ ៦.៥២៧នាក់។

សូមជម្រាបថា ប្រទេសកម្ពុជា កំពុងជួបនូវវិបត្តិកូវីដ១៩ ដែលបានបង្កផលប៉ះពាល់ដល់សេដ្ឋកិច្ចសាកលលោកទាំងមូល៕

ប្រភព៖ AKP

ដោយ៖ លាភ

  • អត្ថបទទាក់ទង :
  • Featured
Loading...

ពេញនិយម