វ័យ ៣៩ ឆ្នាំហើយក៏ដោយ តែ Sunny ហាក់មិនអើពើរឿងមានអ្នកថែបេះដូងស្របពេលដែលតារាដទៃមានគូបណ្តើរស្ទើរគ្រប់គ្នា

ប្រទេសថៃ៖ Sunny គឺជាតារាសម្តែងល្បីប្រចាំប្រទេសថៃ ដែលមានអ្នកគាំទ្រជាច្រើន បានពេញចិត្តនឹងសមត្ថភាពរបស់លោកបូករួមជាមួយនឹងរូបរាងដ៏ស្រស់សង្ហា កម្ពស់ខ្ពស់ស្រឡះផងនោះ Sunny មានឱកាសក្តោបបានតំណែងតួឯកជារឿយៗ និងបានចាប់ដៃគូជាមួយតារាសម្តែងស្រីល្បីៗទៀតផង។

តារាប្រុសរូបនេះធ្លាប់ទទួលបានការចាប់អារម្មណ៍ខ្លាំងនៅពេលដែលអ្នកគាំទ្រប្រទះឃើញលោកដើរទិញទំនិញក្នុងសម្លៀកបំពាក់ខោខ្លី អាវយឺត ស្បែកជើងផ្ទាត់យ៉ាងសាមញ្ញបំផុត បើទោះជាខ្លួនជាតារាល្បីក៏ដោយ។ យ៉ាងណាមិញ តួឯកប្រុសក្នុងរឿង “បេះដូងវេទមន្ត” ដែលធ្លាប់បានចាក់ផ្សាយលើកញ្ចក់ទូរទស្សន៍ MyTV កន្លងមកកំពុងតែធ្វើឱ្យអ្នកគាំទ្រទន្ទឹងរង់ចាំមើលថា តើនារីរូបណាដែលមានសំណាងបានគ្រងបេះដូងតារាប្រុសរូបនេះ?

ត្បិត Sunny មានវ័យ ៣៩ ឆ្នាំហើយក៏ពិតមែន ប៉ុន្តែលោកហាក់មិនអើពើរឿងគូស្រករនៅឡើយ ដែលជានិច្ចកាលប្រុសស្អាតរូបនេះនៅតែបង្ហាញខ្លួនបែបម្នាក់ៗឯង ស្របពេលដែលតារាប្រុសស្រីដទៃទៀតគេមានគូស្ទើរគ្រប់គ្នាហើយក៏ដោយ។ ចង់ដឹងថា តារាដែលមានទឹកមុខស្មើរូបនេះចំណាយពេលវេលាបែបស៊ីងហ្គលរបស់ខ្លួនយ៉ាងណាខ្លះ តោះទៅទស្សនារូបភាពទាំងអស់គ្នា៕

អត្ថបទ៖ គង់ ចាន់ស្រីនុច