Connect with us

ខ្សែបម្រើ Kevin De Bruyne ថា ខ្លួនកំពុងបន្តការពិភាក្សាពីអនាគតជាមួយ Man City

អង់គ្លេស៖ ខ្សែបម្រើ Kevin De Bruyne បាននិយាយថា គេចង់បន្តលេងនៅ Premier League ទៀត ដោយខ្លួនកំពុងបន្តការពិភាក្សាពីអនាគតជាមួយ Man City។

មួយរយ:ចុងក្រោយនេះ អនាគតរបស់ De Bruyne ត្រូវបានក្លាយជាប្រធានបទដ៏ក្តៅគគុក ខណ: Man City មានបំណងផ្តល់ជូនកុងត្រាថ្មីរយ:ពេល៥ ឆ្នាំបន្ថែមទៀត ដើម្បីធានាដល់ការរួមដំណើររបស់កីឡាករបែលហ្ស៊ិកនេះ។

នៅពេលត្រូវបានគេសាកសួរអំពីអនាគត De Bruyne បានប្រាប់ថា៖ “ ខ្ញុំនៅតែមានទំនាក់ល្អជាមួយក្លិប និងម្ចាស់ក្លិប។ យើងមានការពិភាក្សាបន្តិចបន្តួច ប៉ុន្តែមិនមានអ្វីថ្មីនោះទេ”។

គេបន្តទៀតថា៖ ” ខ្ញុំចង់នៅជាមួយក្លិបតទៀត ដូច្នេះវាងាយស្រួល ។ ប្រសិនបើខ្ញុំមិនចង់នៅទេ នោះវានឹងត្រូវរំខាននរណាម្នាក់ ដើម្បីសម្របសម្រួលរឿងទាំងនេះ ប៉ុន្តែនៅពេលអ្នកចង់ស្នាក់នៅ វាមិនពិបាកទេ”។

ចាប់តាំងពីចូលរួមជាមួយ Man City ក្រោយផ្ទេរចេញពី Wolfsburg កាលពីឆ្នាំ២០១៥មក Kevin De Bruyne បានបង្ហាញខ្លួនឱ្យក្រុមមេឃខៀវ ២៣២ដង ស៊ុតបាន៥៨គ្រាប់ និងបានឈ្នះពានរង្វាន់ Premier League ចំនួន ២ លើក ពាន EFL Cups ចំនួន ៤ និងពានរង្វាន់ FA Cup ១ដងផងដែរ៕

  • អត្ថបទទាក់ទង :
  • Featured
Loading...

ពេញនិយម