Inter Milan ចង់ដូរ Christian Eriksen ជាមួយ Granit Xhaka របស់ Arsenal

អ៊ីតាលី៖ Inter Milan នឹងសុខចិត្តផ្តល់ជូន Christian Eriksen ដល់ Arsenal ក្នុងកិច្ចព្រមព្រៀងមួយ ដើម្បីប្តូរយក Granit Xhaka មកវិញ ។

Eriksen បានតស៊ូជាមួយនឹងភាពលំបាកជាច្រើន ដើម្បីទទួលបានតួនាទីលេងទៀងទាត់ ក្រោមការដឹកនាំរបស់លោក Antonio Conte។ មិនតែប៉ុណ្ណោះ លោក Conte កំពុងចង់ពង្រឹងតំបន់បម្រើនៅក្នុងក្រុមរបស់គាត់ ហើយថែមទាំងបានដាក់គោលដៅជាពិសេសមួយ ទៅលើកីឡាករ N’Golo Kante ប៉ុន្តែត្រូវបាន Chelsea បដិសេធមិនលក់នោះទេ។

យ៉ាងណាមិញ ថ្នាក់ដឹកនាំរបស់ក្រុម Inter កំពុងតែពិចារណាលើជម្រើសផ្សេងមួយទៀត គឺ Xhaka ខណ:ពួកគេរំពឹងថាកីឡាកររូបនេះ នឹងក្លាយជាជម្រើសដ៏ត្រឹមត្រូវមួយ។

Inter នឹងធ្វើការវាស់ស្ទង់អំពីចំណាប់អារម្មណ៍របស់ Arsenal ជាមួយនឹងការផ្តល់ Eriksen ដើម្បីជាថ្នូរដូរយក Xhaka មកវិញ ស្របពេលខ្សែបម្រើសញ្ជាតិដាណឺម៉ាករូបនេះ ក៏បានបញ្ជាក់យ៉ាងច្បាស់រួចហើយ អំពីគោលបំណងរបស់គេ ដើម្បីចាកចេញពី Inter Milan នៅខែមករាខាងមុខនេះ៕