Connect with us

តុលាការ ដោះលែងអតីតពិធីករទូរទស្សន៍លោក ភោ សុផានិត ឱ្យមានសេរីភាពវិញហើយ

ភ្នំពេញ៖ ចៅក្រមស៊ើបសួរសាលាដំបូងរាជធានីភ្នំពេញ លោក វ៉ាន់ សែនវិសុទ្ធ បានសម្រេចមិនឃុំខ្លួន អតីតពិធីករទូរទស្សន៍គឺ លោក ភោ សុផានិត បន្ទាប់ពីចាប់ខ្លួនពាក់ព័ន្ធបទល្មើស ចេញសែកគ្មានប្រាក់ឱ្យម្ចាស់បំណុល។ ការដោះលែងឱ្យមានសេរីភាពវិញនេះបានធ្វើឡើងនៅព្រលប់ថ្ងៃទី១៧ ខែវិច្ឆិកា ឆ្នាំ២០២០។

សូមបញ្ជាក់ថា លោក ភោ សុផានិត សមត្ថកិច្ចចាប់ខ្លួននៅយប់ថ្ងៃទី១៦ ខែវិច្ឆិកា ឆ្នាំ២០២០ នៅក្នុងហាងកាហ្វេមួយ ផ្លូវ ព្រះមុនីវង្ស សង្កាត់ស្រះចក ខណ្ឌដូនពេញ រាជធានីភ្នំពេញ ពីបទមិនបំពេញកាតព្វកិច្ច ចំពោះឧបករណ៍ដែលអាចជួញដូរបាន ប្រព្រឹត្តនៅរាជធានីភ្នំពេញ កាលពីថ្ងៃទី១៦ ខែមិថុនា ឆ្នាំ២០២០ តាមដីកាបង្គាប់ឱ្យនាំខ្លួន កាលថ្ងៃទី២៩ ខែកញ្ញា ឆ្នាំ២០២០។

លោក ភោ សុផានិត អតីតជាពិធីករទូរទស្សន៍ អាយុ៤៤ឆ្នាំ មុខរបរបច្ចុប្បន្នជាពាណិជ្ជករ មានទីលំនៅផ្ទះគ្មានលេខ ផ្លូវបេតុង ភូមិត្រពាំងថ្លឹង សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ៕

  • អត្ថបទទាក់ទង :
  • Featured
Loading...

ពេញនិយម