ម្ចាស់បទ “មាននឹកបងទេអូន” លោក រិទ្ធ ប្រុសពៅ ប្រកាសនឹងចេញ MV បទថ្មីក្នុងថ្ងៃនេះ វេលាម៉ោង៦ល្ងាចនេះ

កម្សាន្ត៖ ថ្មីៗក្តៅៗតែម្តង តារាចម្រៀង លោក រិទ្ធ ប្រុសពៅ “Rith Pros Pov” ដែលជាម្ចាស់បទ “មាននឹកបងទេអូន” ដែលបានឆក់យកដួងចិត្តមិត្តយុវវ័យជាច្រើននាក់ដែលនិយមស្តាប់បទមនោសញ្ចេតនារបស់លោក តែក្នុងថ្ងៃនេះ តារាចម្រៀងដែលមានប្រជាប្រិយភាពមួយដួងនេះកំពុងតែប្រកាសក្តែងៗថា ខ្លួននឹងចេញ MV បទថ្មីនៅពេលល្ងាចនេះ វេលាម៉ោង៦ ដើម្បីបំពេញចិត្តហ្វេនរបស់ខ្លួន។

ប្រិយមិត្តជាច្រើនប្រាកដជាចង់ដឹងហើយថា តើបទចម្រៀងមួយបទនេះមានន័យយ៉ាង ហើយចំណងជើងដូចម្តេច? វាពិតជាច្បាស់ណាស់ទៅហើយ គ្រាន់តែឮក៏ចង់ស្តាប់ភ្លាមតែម្តង គឺបទ “យើងមិនគួរស្គាល់គ្នាតាំងពីដំបូង” ជាបទថ្មីរបស់លោក រិទ្ធ ប្រុសពៅ “Rith Pros Pov” ដូចពាក្យគេនិយាយថា បើចិត្តមិនត្រូវគ្នា មិនចេះយោគយល់គ្នា ស្រឡាញ់គ្នាមានន័យអ្វី ចាំបាច់ស្គាល់គ្នាដែរ។

បទចម្រៀង “យើងមិនគួរស្គាល់គ្នាតាំងពីដំបូង” បានត្រូវប្រកាសពេញបណ្តាញសង្គមហ្វេសប៊ុករបស់លោកផ្ទាល់តែម្តង ធ្វើឱ្យហ្វេន និងប្រិយមិត្តរង់ចាំស្តាប់គ្រប់ៗគ្នា៕

អត្ថបទ៖ ឡុង រតនា