តើវាជាបាបកម្មរបស់អ្នកឬ? ដែលមកជួបស្នេហាបោកប្រាស់នៅក្នុងជីវិតបែបនេះ (មានវីដេអូ)

តើអ្នកនិងត្រូវធ្វើយ៉ាងណាបើសិនដឹងថាប្តីលួចមានស្រីខាងក្រៅ? តើអ្នកនឹងសុំលែងលះ ឬក៏សុខចិត្តទ្រាំរស់នៅទាំងឈឺចុកចាប់តែម្នាក់ឯង? តើនេះជា ”បាបកម្ម” របស់អ្នកណា? បាបដែលកើតឡើងព្រោះការខឹង បាបដែលកើតព្រោះការលោភលន់ចង់បានរបស់អ្នកដទៃ បាបដែលកើតព្រោះការឈ្លក់វង្វេង និងបាបដែលកើតព្រោះសេចក្តីស្នេហា ។

សំនួរទាំងអស់នេះគឺជារឿងរ៉ាវដ៏សែនឈឺចាប់របស់នារីម្នាក់ ប្តីរបស់នាងបានក្បត់ចិត្តបានលួចសាងស្នេហាជាមួយនារីផ្សេង អ្វីដែលបន្សល់អោយនាងបានត្រឹមតែភាពឈឺចាប់ ស្រក់ទឹកភ្នែកជារៀងរាល់ថ្ងៃ និងបាត់បង់អ្វីៗគ្រប់យ៉ាងក្នុងមួយរំពេចភ្នែក។ រឿង “បាបស្នេហ៍” ដែលជាខ្សែភាពយន្ដដ៏ល្បីល្បាញនៅក្នុងប្រទេសថៃដោយសារសាច់រឿង ការសម្តែង បច្ចេកទេសក្នុងការថត ជាពិសេសនោះគឺមានការចូលរួមពីតារាសម្តែងដ៏ល្បីក្នុងប្រទេសថៃនោះគឺ ស៊ុវៈណាន់ ខុងយិង និងហ្សង ជិនដាឆូដ រួមទាំងតារាសម្តែងល្បីជាច្រើនដួងទៀត។

សាច់រឿងដល់ល្អឯកនេះនឹងមកបកស្រាយចំងល់រាល់សំនួរដែលបានសួរខាងលើ និងមានគ្រប់រសជាតិនៅក្នុងសង្គមបច្ចុប្បន្ន ហើយនិងត្រូវបង្ហាញខ្លួនជូនបងប្អូនទូរទស្សនិកជនបានទស្សនានៅលើស្ថានីយទូរទស្សន៍ CTN តែមួយគត់ក្នុងពេលឆាប់ៗខាងមុខនេះ។ សូមអរគុណ!

សូមទស្សនាវីដេអូ៖