Connect with us

“ប្រហុកអាំង” ឃើញហើយស្រក់ទឹកមាត់តែម្តង មុខម្ហូបដ៏ពេញនិយមតាមបណ្តារមណីយដ្ឋាននានា

ម្ហូប៖ ប្រហុក ត្រូវបានយកទៅធ្វើម្ហូបនានាទៅតាមចំណូលចិត្តរៀងខ្លួនដោយអ្នកខ្លះយកទៅបង់ក្នុងសម្ល និងខ្លះទៀតក៏បានបរិភោគឆៅដោយមានផ្ទាប់ជាមួយអន្លក់ បង្កើតបានជាមុខម្ហូបដ៏ពេញនិយមបំផុតសម្រាប់ប្រជាជនកម្ពុជាយើង។ ជឿថា នៅតាមតំបន់រមណីយដ្ឋាននានា គឺមានការពេញនិយមខ្លាំងជាមួយនឹងមុខម្ហូបដែលយើងហៅថា “ប្រហុកអាំង” ដែលវាមានរសជាតិឈ្ងុយឆ្ងាញ់ផ្សំជាមួយគ្រឿងមួយចំនួន និងក្រសាំងដើម្បីបន្ថែមជាតិជូរតិចៗធ្វើឱ្យប្រហុកអាំងមួយមុខនេះកាន់តែមានរសជាតិទ្វេដង។

ប្រហុកអាំង ដែលមានគ្រឿងផ្សំដូចជា ប្រហុកឆៅ សាច់ជ្រូក ៣ ជាន់ ក្រសាំង ខ្ទឹមស ខ្ទឹមក្រហម ម្ទេស គល់ស្លឹកគ្រៃ ស្លឹកក្រូចសើច ជីគ្រប់មុខ ស្លឹកខ្ទឹម ស្ករស ម្សៅស៊ុប ក្រូចឆ្មារ សុទ្ធសឹងតែជាគ្រឿងផ្សំដែលធ្វើឱ្យម្ហូបខ្មែរមួយនេះមានជាតិខ្លាំងណាស់ និងក្លិនឈ្ងុយរកថាមិនត្រូវ។ ហើយមុខម្ហូបប្រភេទនេះដែរ ក៏ត្រូវការអន្លក់ត្រជាក់ៗដូចជា ត្រប់ ត្រសក់ ពពាយ សណ្តែកកួរ ការ៉ុត ស្ពៃក្តោប ជាដើម និងអាចបន្ថែមម្ទេសហិលៗទៅតាមចំណូលចិត្ត ធានាថារសជាតិកាន់តែឆ្ងាញ់ជាប់មាត់មិនខានឡើយ៕

អត្ថបទ៖ គង់ ចាន់ស្រីនុច

  • អត្ថបទទាក់ទង :
  • Featured
Loading...

ពេញនិយម