Connect with us

ឆ្នាំ២០២១ ខេត្តសៀមរាប គ្រោងជួសជុសថែទាំផ្លូវថ្នល់ប្រមាណ ៣៧៣ គីឡូម៉ែត្រ

សៀមរាប៖ មន្ទីរអភិវឌ្ឍន៍ជនបទខេត្តសៀមរាប មានគម្រោងជួសជុលថែទាំផ្លូវថ្នល់ចំនួនប្រមាណ៣៧៣គីឡូម៉ែត្រនៅក្នុងខេត្តដើម្បីសម្រួលដល់ការធ្វើដំណើររបស់បងប្អូនប្រជាពលរដ្ឋឱ្យកាន់តែងាយស្រួលធ្វើដំណើរ និងធានាបានសុវត្ថិភាព នៅឆ្នាំ២០២១នេះ។

លោក សោ ប៊ុនធី ប្រធានការិយាល័យផ្លូវលំជនបទ នៃមន្ទីរអភិវឌ្ឍន៍ជនបទខេត្តសៀមរាប បានឱ្យដឹងថា មន្ទីរអភិវឌ្ឍន៍ជនបទខេត្តសៀមរាបមានគោលការណ៍ចំនួន៤ គឺគម្រោងស្តារឡើងវិញនូវផ្លូវថ្នល់ដែលរងការខូចខាត គម្រោងកែលម្អពីផ្លូវគ្រួសក្រហមមកជាផ្លូវកៅស៊ូ គម្រោងថែទាំខួប និងគម្រោងថែទាំជាប្រចាំ នូវហេដ្ឋារចនាសម្ព័ន្ធផ្លូវថ្នល់ ដែលស្ថិតនៅក្នុងការគ្រប់គ្រងរបស់អង្គភាពខ្លួន។

លោកបន្តថា នៅក្នុងឆ្នាំ២០២០កន្លងទៅ មន្ទីរអភិវឌ្ឍន៍ជនបទខេត្ត បានធ្វើការជួសជុលផ្លូវថ្នល់ ទាំងគម្រោងកែលម្អ គម្រោងជួសជុលបន្ទាន់ គម្រោងថែទាំខួបនិងគម្រោងថែទាំជាប្រចាំបានចំនួនប្រមាណ១៩៣គីឡូម៉ែត្រ។

ដោយឡែកនៅក្នុងឆ្នាំ២០២១នេះវិញ មន្ទីរមានផែនការសម្រាប់គម្រោងជួសជុល ស្តារឡើងវិញ ថែទាំខួប និងថែទាំជាប្រចាំផ្លូវថ្នល់ជនបទសរុបចំនួនប្រមាណ៣៧៣គីឡូម៉ែត្របន្ថែមទៀត ដើម្បីសម្រួលដល់ការធ្វើដំណើរទៅមករបស់បងប្អូនប្រជាពលរដ្ឋ។

គួរជម្រាបថា សម្រាប់គម្រោងថែទាំផ្លូវថ្នល់ និងគម្រោងស្តារឡើងវិញនូវផ្លូវថ្នល់ដែលរងការខូចខាតដោយសារជំនន់ទឹកភ្លៀងកន្លងមក គឺទទួលបានថវិកាពីរាជរដ្ឋាភិបាល និងមួយចំណែកទៀតបានពីគម្រោងជំនួយរបស់រដ្ឋាភិបាលអាល្លឺម៉ង់ (KFW)។ ដោយឡែកសម្រាប់ គម្រោងជួសជុលកែលម្អផ្លូវថ្នល់ផ្សេងៗទៀត ក៏ទទួលបានពីអង្គការដៃគូមួយចំនួន ដូចជាធនាគារអភិវឌ្ឍន៍អាស៊ី (ADB) ធនាគារពិភពលោក (World Bank) និងគម្រោងជាច្រើនទៀតដែលកំពុងអនុវត្តទៅតាមជំហានៗ៕

  • អត្ថបទទាក់ទង :
  • Featured
Loading...

ពេញនិយម