Connect with us

ក្រុមហ៊ុនចំនួន ៤ បោះទុនវិនិយោគជិត ៣០លានដុល្លារ នៅខេត្តព្រះសីហនុ ដោយបង្កើតការជូន ពលរដ្ឋជាង ១២០០កន្លែង

ភ្នំពេញ ៖ មានក្រុមហ៊ុនចំនួន៤បន្ថែមទៀត បានបោះទុនវិនិយោគនៅក្នុងខេត្តព្រះសីហនុ ដោយមានទំហំទឹកប្រាក់វិនិយោគសរុបជិត ៣០លានដុល្លារ។
គណៈកម្មាធិការតំបន់សេដ្ឋកិច្ចពិសេសកម្ពុជា នៃក្រុមប្រឹក្សាអភិវឌ្ឍន៍កម្ពុជា បានផ្តល់វិញ្ញាបន បត្រចុះបញ្ជីជាស្ថាពដល់ក្រុមហ៊ុនចំនួន៤នេះ ក្នុងការបង្កើតរោងចក្រ ដែលមានដូចជា រោងចក្រចក្រផលិតក្តារប៉ាកេ, ក្តារបន្ទះ និងគ្រឿងសង្ហារិម និងរោងចក្រផលិតកកាបូប និងវ៉ាលីស មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុ ខេត្តព្រះសីហនុ ។

បើតាមក្រុមប្រឹក្សាអភិវឌ្ឍន៍កម្ពុជា បានអោយដឹងថា៖

  • ក្រុមហ៊ុនទី១ ឈ្មោះថា INVISTA DECOR CO.,LTD បង្កើតរោងចក្រផលិតក្តារប៉ាកេ ក្តារបន្ទះ និងគ្រឿងសង្ហារឹម មានទុនវិនិយោគចំនួន១លាន ៥សែនដុល្លារអាមេរិក ដោយបង្កើតការងារបានចំនួន ១៣៥កន្លែង ។
  • ទី២ ក្រុមហ៊ុន GLORY ALLIANCE (CAMBODIA) CO.,LTD គម្រោងបង្កើតរោងចក្រផលិតកាបូប និងវ៉ាលិស មានទុនវិនិយោគចំនួនជាង ៥លាន ៦សែនដុល្លារអាមេរិក បង្កើតការងារបានចំនួន៣៨០កន្លែង ។
  • ទី៣ ក្រុមហ៊ុន CAMBODIAN TROPIC FLOORING CO.,LTD គម្រោងបង្កើតរោងចក្រផលិតក្តារប៉ាកេ ក្តារបន្ទះ និងគ្រឿងសង្ហារឹម មានទុនវិនិយោគចំនួន ៦លាន ៥សែនដុល្លារអាមេរិក បង្កើតការងារបានចំនួន៥៤០កន្លែង
  • ទី៤គឺ ក្រុមហ៊ុន COUGAR WOOD INDUSTRY CO.,LTD បង្កើតរោងចក្រផលិតក្តារប៉ាកេ និងក្តារបន្ទះ មានទុនវិនិយោគជិត១៥លានដុល្លារអាមេរិក និងអាចបង្កើតការងារបានចំនួន១៦២កន្លែង ។

សូមបញ្ជាក់ថា បច្ចុប្បន្ន ខេត្តព្រះសីហនុមានតំបន់សេដ្ឋកិច្ចពិសេសចំនួន៣ មានដូចជាតំបន់សេដ្ឋកិច្ចពិសេសនៅជាប់កំពង់ផែស្វ័យតក្រុងព្រះសីហនុ តំបន់សេដ្ឋកិច្ចពិសេសបិតត្រាង ស្រុកព្រៃនប់ និង តំបន់សេដ្ឋកិច្ចពិសេសដ៏ធំមួយនៅក្នុងស្រុកស្ទឹងហាវ ៕

 

  • អត្ថបទទាក់ទង :
  • Featured
Loading...

ពេញនិយម