អ្នកគាំទ្ររបស់ Jennie ផ្ទុះប្រតិកម្ម ក្រោយសារព័ត៌មានមួយសរសេរថានាងធាត់ជាងមុន

កូរ៉េខាងត្បូង៖ សារព័ត៌មានមួយត្រូវបានអ្នកគាំទ្រតារាចម្រៀង Jennie Blackpink រិះគន់ដោយគ្រាន់តែប្រើពាក្យថា Jennie ធាត់ជាងមុន ក្រោយនាងធ្វើការចែករំលែករូបភាពមួយមើលទៅឃើញថ្ពាល់ប៉ោងៗនៅលើ Instagram កាលពីពេលថ្មីៗនេះ។

យ៉ាងណាមិញ អ្នកគាំទ្រ Jennie បានមានប្រតិកម្មជាខ្លាំង និងបានឆ្លើយតបរិះគន់ទៅអ្នកសារព័ត៌មានវិញថា Jennie មិនបានធាត់ជាងមុនឡើយ នាងនៅតែមានរូបរាងស្លីមដដែល ម៉្យាងនាងមានថ្ពាល់ប៉ោងៗបែបនេះតាំងពីដើមមកហើយ មិនមែនទើបតែពេលនេះឡើយ។

បន្ថែមពីនេះផងដែរ អ្នកគាំទ្រដែលបានឈឺឆ្អាល និងមានប្រតិកម្មលើពាក្យសម្ដីរបស់អ្នកសារព័ត៌មានទាំងនោះ ក៏បាននិយាយថា បើទោះជា Jennie ធាត់ជាងមុនបន្តិចក៏គ្មានបញ្ហាអ្វីដែរ ព្រោះនាងនៅតែមើលទៅគួរឱ្យស្រលាញ់៕

ប្រភព៖ allkpop

ប្រែសម្រួល៖ គង់ ចាន់ស្រីនុច