ការប្រកួតបាល់ទះមួយ មានក្រុមខ្លាំងៗចូលរួម នឹងធ្វើឡើងនៅចុងខែមករានេះ

ភ្នំពេញ៖ ការប្រកួតបាល់ទះពាររង្វាន់ “ការប្រកួតមិត្តភាពអបអរសាទរខួបលើកទី៤២ ទិវាជ័យជម្នះ ៧មករា ១៩៧៩-២០២១” មានសមាសភាពក្រុមខ្លាំងៗលំដាប់ប្រទេសចូលរួមចំនួន៥ ដែលគ្រោងធ្វើឡើងចាប់ពីថ្ងៃទី២០ ដល់ ២៤ ខែមករា ឆ្នាំ២០២១។

ចំពោះប្រាក់រង្វាន់ ក្រុមទទួលបានចំណាត់ថ្នាក់លេខ១ ទទួលបាន ២លានរៀល លេខ២ បាន១លាន៥សែនរៀល, លេខ៣ បាន ១លានរៀល, លេខ៤ បាន ៥សែនរៀល និងលេខ៥ បាន ៥សែនរៀល។

ក្រុមដែលចូលរួមក្នុងពានរង្វាន់ខាងលើមានចំនួន ៥ រួមមាន ក្លិបបាល់ទះវិសាខា, ក្លិបកងពលធំអន្តរាគមន៍លេខ៣, ក្លិបបញ្ជាការដ្ឋានអង្គរក្ស, ក្លិបក្រសួងមហាផ្ទៃ និងក្លិបស្នងការដ្ឋាននគរបាលរាជធានីភ្នំពេញ។

ការប្រកួត នឹងរៀបចំនៅទីលានបាល់ទះវិសាខា (ហ្គ្រនភ្នំពេញ) រាជធានីភ្នំពេញ។ ពានរង្វាន់ប្រកួតមិត្តភាពនេះ រៀបចំដោយសហព័ន្ធកីឡាបាល់ទះកម្ពុជា៕