Connect with us

ឥទ្ធិពលធាតុអាកាសត្រជាក់ បង្កការខូចខាតនៅភាគខាងជើង និងកណ្ដាលប្រទេសវៀតណាម

វៀតណាម៖ ឥទ្ធិពលធាតុអាកាសត្រជាក់ក្នុងរង្វង់សូន្យអង្សាសេ បានគ្របដណ្ដប់លើភាគខាងជើង និងកណ្ដាលប្រទេសវៀតណាម ដែលបានបង្កការកកស្ទះចរាចរណ៍ដោយសារកៅស៊ូថ្នល់បានកក និងប៉ះពាល់ការរស់នៅរបស់ប្រជាជនក្នុងតំបន់ កាលពីពេលថ្មីៗនេះ។

ការកកស្ទះចរាចរណ៍ បានកើតមានឡើងដោយសារយានយន្តមិនអាចធ្វើដំណើរទៅមកបាន ព្រោះកៅស៊ូផ្លូវថ្នល់ បានកក ធ្វើឱ្យងាយរអិលសម្រាប់យានយន្តគ្រប់ប្រភេទ។ សាលារៀនប្រហែល ១៣០ ដែលមានសិស្សប្រហែល ៥៥០០០នាក់ ត្រូវបានអនុញ្ញាតឱ្យឈប់សម្រាក ដើម្បីការពារភាពត្រជាក់ដែលអាចបង្កហានិភ័យចំពោះសុខភាព។

ក្រសួងធនធានទឹកវៀតណាម បានព្យាករថា ធាតុអាកាសត្រជាក់ នឹងបន្តវាយប្រហារលើភាគខាងជើង និងកណ្ដាលនៃប្រទេសនេះម្ដងទៀត ចាប់ពីថ្ងៃទី១៧-១៨ ខែមករា ឆ្នាំ២០២១ និងកើតមានជាថ្មី ចាប់ពីថ្ងៃទី២០ ខែមករា ដែលអូសបន្លាយរយៈពេល២-៣ថ្ងៃ៕

ប្រភព៖ Vietnam Plus

  • អត្ថបទទាក់ទង :
  • Featured
Loading...

ពេញនិយម