អ្នកគាំទ្រមិនពេញចិត្តជាខ្លាំង ក្រោយសហរដ្ឋអាមេរិកផលិតរឿង Train to Busan ឡើងវិញ

កូរ៉េខាងត្បូង៖ Train to Busan គឺជាភាពយន្តកូរ៉េមួយ ដែលទទួលបានការគាំទ្រខ្លាំងកាលពីឆ្នាំ២០១៦។ មិនត្រឹមតែនៅក្នុងប្រទេសឡើយ សូម្បីតែតាមបណ្តាប្រទេសនានាឯទៀត ក៏ចាប់អារម្មណ៍ខ្លាំងរហូត ពួកគេមានការទន្ទឹងរង់ចាំថ្ងៃចាក់បញ្ចាំងយ៉ាងអន្ទះសាទៀតផង ជាលទ្ធផលក្រោយបានទស្សនារួច ភាពយន្តមួយនេះ ក៏ទទួលបានការកោតសរសើរមិនដាច់ពីមាត់ឡើយពីទស្សនិកជន។

យ៉ាងណាមិញ មកទល់ឆ្នាំ២០២១នេះ Train to Busan ត្រូវបានសហរដ្ឋអាមេរិក យកទៅផលិតឡើងវិញ ដោយមានអ្នកដឹកនាំរឿងដោយលោក Timo Tijahjanto ជនជាតិឥណ្ឌូណេស៊ី។ ក្រោយពីលេចដំណឹងនៃការផលិតរឿង បានល្បីលើបណ្តាញសង្គម Twitter មក អ្នកគាំទ្រជាច្រើនបានចេញមតិរិះគន់ មិនគាំទ្រក្នុងការផលិតរឿង Train to Busan ឡើងវិញឡើយ។ ហើយក៏មានអ្នកខ្លះទៀតសង្ឃឹមថា ភាពយន្តដែលកំពុងដំណើរការថតនេះ នឹងផ្អាកវិញស្របពេលដែលមិនមានអ្នកពេញចិត្តទាល់តែសោះ៕

ប្រភព៖ koreaboo

ប្រែសម្រួល៖ គង់ ចាន់ស្រីនុច