ភាពយន្តថៃ “រាជិនីសំនៀង” សាច់រឿងបែបតន្ត្រីស្រុកស្រែ នឹងមានផ្សាយជូនទស្សនាលើកញ្ចក់ទូរទស្សន៍ MyTV ឆាប់ៗនេះ

កម្សាន្ត៖ ទស្សនិកជននឹងប្លែកអារម្មណ៍ជាមួយនឹងរឿងភាគថៃ រាជិនីសំនៀង ដែលជាសាច់រឿងបែបតន្ត្រីស្រុកស្រែ ដែលមានគូប្រជួតប្រជែងស៊ីសាច់ហុតឈាមគ្នាដើម្បីទទួលបានផលប្រយោជន៍ក្នុងវិថីសិល្បៈមួយនេះ។

ជាក់ស្តែង គំនុំ និងការសងសឹកនេះបានកើតឡើងតាំងពីជំនាន់ចាស់ទុំ តរហូតដល់កូនចៅជំនាន់ក្រោយ កាច់កុងគ្នាក្នុងអាជីពតន្ត្រីស្រុកស្រែមួយនេះមិនចេះចប់។ យ៉ាងណាមិញ មិនដឹងថា តើគំនុំ ការឈ្នានីសគ្នាមួយនេះ អាចដោះស្រាយបានតាមសន្តិវិធីដែលឬយ៉ាងណា? កុំភ្លេចតាមដានទស្សនាទាំងអស់គ្នានៅលើកញ្ចក់ទូរទស្សន៍ និងផេកផ្លូវការរបស់ MyTV រៀងរាល់ថ្ងៃចន្ទ-សុក្រ វេលាម៉ោង ១១ ព្រឹកតទៅ៕

អត្ថបទ៖ គង់ ចាន់ស្រីនុច