ជាតារាស្រីជំនាន់ក្រោយក៏ពិតមែន ក៏ Mookda ឆក់បានបេះដូងអ្នកគាំទ្ររហូតជាប់ឈ្មោះជាតួឯកស្រីដែលមានប្រជាប្រិយភាពជាងគេ

ថៃ៖ ស្រីស្អាត Mookda Narinrak វ័យ ២៤ ឆ្នាំ ជាតារាស្រីជំនាន់ក្រោយក្នុងអាជីពជាតារាសម្តែងកំពុងទទួលបានប្រជាប្រិយភាពខ្លាំងដែលនាងបានឆក់យកបេះដូងអ្នកគាំទ្រទាំងក្នុង និងក្រៅប្រទេសបានយ៉ាងច្រើន។

ក្រៅពីមានរូបសម្រស់ស្រស់ស្អាតហើយនោះ Mook ថែមទាំងមានសមត្ថភាពសម្តែងមិនចាញ់រៀមច្បងឡើយ ដោយនាងបានក្តាប់តំណែងជាតួឯកក្នុងភាពយន្តជាច្រើនផងដែរ។

គួរបញ្ជាក់ដែរថា ក្រៅពីអាជីពជាតារាសម្តែងហើយនោះ Mook ថែមទាំងជាតារាបង្ហាញម៉ូត និងជាអ្នករាំដ៏ស្ទាត់ជំនាញមួយរូបទៀតផង។

Mook បានសម្រេចចូលប្រឡូកក្នុងសិល្បៈ ក្រោយបញ្ចប់ការប្រកួតបវរកញ្ញាកាលពីឆ្នាំ២០១១។ មិនត្រឹមតែប៉ុណ្ណោះ គ្រាន់តែប្រឡូកក្នុងការសម្តែងមិនបានប៉ុន្មានផង តារាស្រីរូបនេះ បានទទួលសំឡេងឆ្នោតពីអ្នកគាំទ្រ ជាតួឯកស្រីម្នាក់ ដែលមានប្រជាប្រិយភាពជាងគេ ប្រចាំឆ្នាំ២០២០៕

ប្រភព៖ thaiupdate

ប្រែសម្រួល៖ គង់ ចាន់ស្រីនុច