Connect with us

ក្រុមហ៊ុន Royal Group ចុះហត្ថលេខាលើអនុស្សរណៈនៃការយោគយល់ (MOU) ជាមួយក្រុមហ៊ុនសិង្ហបុរី Hong Lai Huat អភិវឌ្ឍគម្រោងលំនៅដ្ឋាន និងអាគារពាណិជ្ជកម្មកំពស់១២ជាន់នៅខណ្ខទួលគោក

ក្រុមហ៊ុនខ្មែរ Royal Group បានចុះហត្ថលេខាលើអនុស្សរណៈនៃការយោគយល់ (MOU) ជាមួយក្រុមហ៊ុនសិង្ហបុរី Hong Lai Huat ដើម្បីអភិវឌ្ឍគម្រោងអាគារចម្រុះ ដែលមានអាគារលំនៅដ្ឋាន និងអាគារពាណិជ្ជកម្ម ស្ថិតក្នុងខណ្ឌដែលកំពុងមានសក្កានុពល គឺខណ្ឌទួលគោករាជធានីភ្នំពេញ។
អនុស្សរណៈនៃការយោគយល់ខាងលើនេះ បានរៀបចំធ្វើឡើង នៅសណ្ឋាគារកាំបូឌីយ៉ាណា នាថ្ងៃទី០១ ខែវិច្ឆកា ឆ្នាំ២០១៨ ក្រោមវត្តមានអ្នកឧកញ៉ា គិត ម៉េង ប្រធានក្រុមប្រឹក្សាភិបាល ក្រុមហ៊ុន Royal Group និងវត្តមានថ្នាក់ដឹកនាំនៃក្រុមហ៊ុនសិង្ហបុរី Hong Lai Huat។
ការអភិវឌ្ឍន៍គម្រោង អាគារចម្រុះថ្មីមួយនេះ មានកំពស់១២ជាន់ ស្ថិតនៅលើផ្ទៃដីទំហំប្រមាណ ៨ ២២១ម៉ែត្រការ៉េ នឹងរៀបចំធ្វើការសាងសង់ដោយក្រុមហ៊ុន Hong Lai Huat ដែលជាក្រុមហ៊ុនអចលនទ្រព្យមានការរីកចម្រើនយ៉ាងឆាប់រហ័សក្នុងការអភិវឌ្ឍន៍អចលនទ្រព្យ និងការអភិវឌ្ឍន៍កសិកម្មនៅក្នុងប្រទេសកម្ពុជា និងសិង្ហបុរី។


លោក Ryan Ong អគ្គនាយកនៃក្រុមហ៊ុន Hong Lai Huat បានមានប្រសាសន៍ថា ការចុះអនុស្សរណៈយោគយល់ជាមួយ ក្រុមហ៊ុន Royal Group ព្រោះក្រុមហ៊ុននេះ ជាក្រុមហ៊ុនខ្លាំង មានកេរ្តិ៍ឈ្មោះល្បីល្បាញនៅក្នុងប្រទេសកម្ពុជា ហើយភាពជាដៃគូមួយនេះនឹងផ្តល់អត្ថប្រយោជន៍ឱ្យគ្នាទៅវិញទៅមក។
គួរបញ្ជាក់ថា កិច្ចព្រមព្រៀងនេះ ក្រុមហ៊ុន Royal Group ជាម្ចាស់កម្មសិទ្ធិដី ខណៈក្រុមហ៊ុន Hong Lai Huat នឹងធ្វើការរាប់រងទៅលើការចំណាយសម្រាប់ការអភិវឌ្ឍន៍ ការសាងសង់ ព្រមទាំងចំណាយប្រតិបត្តិការទាំងអស់ដែលស្មើទៅនឹងផលបូកនៃតម្លៃដីសរុបទៅតាមកិច្ចព្រមព្រៀងរវាងភាគីទាំងពីរ។ ក្រុមហ៊ុន Hong Lai Huat ក៏នឹងទទួលខុសត្រូវចំពោះការចំណាយទៅលើប្រតិបត្តិការផ្សេងៗ ដូចជាការរចនា ការសាងសង់ ការផ្សព្វផ្សាយ និងការលក់គម្រោងក្រោយបញ្ចប់ការសាងសង់ផងដែរ៕

  • អត្ថបទទាក់ទង :
  • Featured
Loading...

ពេញនិយម