ពោតចំហុយ បង្អែមលាងមាត់ដ៏ឈ្ងុយឆ្ងាញ់ ថែមទាំងមានតម្លៃធូរទៀត

ម្ហូប៖ ពោតចំហុយ គឺជាបង្អែមលាងមាត់មួយដែលមានការពេញនិយមដែលយើងអាចទិញបានតាមកង់ដែលអ្នកលក់ធាក់លក់តាមផ្លូវ។ ពោត ដែលបានចំហុយក្លាយជាល្បាយស្អិតៗនេះ មានក្លិនឈ្ងុយ ដោយបន្ថែមជាមួយនឹងស្ករស ល្ង និងសាច់ដូងបន្តិចទៀត បានធ្វើឱ្យឱជារសកាន់តែឆ្ងាញ់ទ្វេដង។

អ្វីដែលសំខាន់ មិនត្រឹមតែជាបង្អែមដ៏ឈ្ងុយឆ្ងាញ់ប៉ុណ្ណោះទេ តែដូចលោកអ្នកដឹងស្រាប់ហើយថា ផ្លែពោត មានផ្ទុកប្រូតេអ៊ីនដែលជាសារធាតុចិញ្ចឹមសារពាង្គកាយ កាបូអ៊ីដ្រាតដែលជំនួយថាមពលដល់រាងកាយ កាកសរសៃដែលជួយសម្រួលការបន្ទោបង់ និងសារធាតុប្រឆាំងអុកស៊ីតកម្មមួយចំនួនទៀតផង។ យ៉ាងណាមិញ សម្រាប់ពេលបច្ចុប្បន្ននេះ ពោតចំហុយ មិនសូវមានលក់ទូលំទូលាយដូចមុនឡើយ ប៉ុន្តែលោកអ្នកក៏នៅតែអាចស្វែងរកបានតាមរបងសាលាមួយចំនួនផងដែរ៕

អត្ថបទ៖ គង់ ចាន់ស្រីនុច