តួអង្គស្តេចស្វាស៊ុនអ៊ូខុង បង្ហាញវត្តមានក្នុងកម្មវិធីមួយក្នុងទឹកមុខរសាប់រសល់មិនស្រស់ស្រាយ ធ្វើឱ្យអ្នកគាំទ្របារម្ភ

ប៉េកាំង៖ តួអង្គស្តេចស្វាស៊ុនអ៊ូខុងក្នុងរឿង ដំណើរឆ្ពោះទៅភាគខាងលិច បានបង្ហាញវត្តមានក្នុងកម្មវិធីមួយដោយបង្ហាញកាយវិការរសាប់រសល់ ទឹកមុខមិនស្រស់ស្រាយ ថែមទាំងមើលទៅរាងស្រកសាច់ជាងមុន ដែលលោកបានធ្វើឱ្យអ្នកគាំទ្របារម្ភជាខ្លាំង។

ក្រោយឃើញរូបភាពរបស់តារាសម្តែង Dicky Cheung ហើយ អ្នកគាំទ្រជាច្រើនបានចូល Comments ក្នុង Weibo ឱ្យលោកថែរក្សាសុខភាពឱ្យបានល្អ។ ក្នុងរយៈពេលចុងក្រោយនេះ Dicky កម្រទទួលការងារថតខ្សែភាពណាស់ ព្រោះលោកក៏មានវ័យ ៥៦ ឆ្នាំហើយដែរ ប៉ុន្តែលោកនៅតែចូលរួមក្នុងកម្មវិធីខ្លះដើម្បីបានប្រាក់ចំណូល។

គួរបញ្ជាក់ដែរថា Dicky គឺជាតារាសម្តែងដ៏មានប្រជាប្រិយភាពមួយរូបដែលក្នុងខ្សែយន្តរបស់លោកភាគច្រើនទទួលបានការគាំទ្រខ្ពស់ ជាពិសេសគឺរឿង ដំណើរឆ្ពោះទៅភាគខាងលិច តែម្តង៕

ប្រែសម្រួល៖ គង់ ចាន់ស្រីនុច