Connect with us

ទីបំផុត Paing Takhon ត្រូវបានយោធាសម្រុកចូលផ្ទះចាប់ខ្លួនម៉ោង ៥ភ្លឺ ទាំងខ្លួនកំពុងមានជំងឺធ្ងន់

មីយ៉ាន់ម៉ា៖ ស្ថានភាពនៅប្រទេសមីយ៉ាន់ម៉ាកាន់តែក្តៅគគុកខ្លាំងឡើយ ក្រោយតារាល្បីៗជាច្រើននាក់ បានចេញមុខចែកចាយព័ត៌មានទាំងក្នុងបណ្តាញសង្គម និងកាលពីពេលថ្មីៗនេះសូម្បីតែបវរកញ្ញាមីយ៉ាន់ម៉ា ២០២០ ក៏បានលើកមកនិយាយលើឆាកកំពុងប្រកួតនៅប្រទេសថៃរហូតនាងបានក្លាយជាបុគ្គលមួយរូបដែលស្ថិតក្នុងស្ថានភាពអសុវត្ថិភាពបំផុត។

យ៉ាងណាមិញ នៅព្រឹកថ្ងៃទី ០៨ ខែមេសា នេះបងស្រីរបស់តារាបង្ហាញម៉ូតល្បីឈ្មោះ Paing Takhon បានសរសេរលើគណនីបណ្តាញសង្គមរបស់ខ្លួនថា ក្រុមយោធាជាច្រើននាក់បានសម្រុកចូលផ្ទះប្អូនប្រុសខ្លួនវេលាម៉ោង ៥ ទៀបភ្លឺនេះ និងចាប់ខ្លួនយកទៅបាត់ធ្វើឱ្យគ្រួសារមានក្តីបារម្ភជាខ្លាំង មិនដឹងថាពេលនេះប្អូនប្រុសយ៉ាងណាទៅហើយ។

មួយរយៈចុងក្រោយនេះ Paing Takhon កំពុងមានជំងឺធ្ងន់ ដូចនេះលោកមិនអាចប្តូរទៅកន្លែងដែលមានសុវត្ថិភាពដើម្បីគេចពីក្រុមយោធាឡើយ។

គួរបញ្ជាក់ដែរថា ពេលនេះគណនីបណ្តាញសង្គម ក៏ដូចជា Instagram របស់លោកលែងដំណើរការមិនអាចបើកមើលអ្វីបានឡើយ៕

  • អត្ថបទទាក់ទង :
  • Featured
Loading...

ពេញនិយម