ខ្លាចណាស់ តែក៏ចង់លេងណាស់ដែរ Army ឈរបំបៅខ្លាទាំងភ័យបុកពោះ

ប្រទេសថៃ៖ កាលពីប៉ុន្មានថ្ងៃមុន Army និងស្វាមីបានធ្វើដំណើរកម្សាន្តទៅសួនសត្វ និងបានផ្តិតយករូបភាពស្អាតៗជាច្រើនចែករំលែកក្នុង Instagram ដែលក្នុងចំណោមរូបទាំងនោះ អ្នកគាំទ្រចាប់អារម្មណ៍ជាងគេនៅពេល Army ឈរបំបៅទឹកដោះឱ្យខ្លាមួយក្បាលទាំងទឹកមុខភ័យបុកពោះមិនស្ទើរ។

រូបភាពនោះត្រូវបានស្វាមី Army គឺលោក Siwat យកទៅចែករំលែកក្នុងគណនី Instagram របស់លោកដោយសរសេរចំអន់ភរិយាលេង និង tagged ឱ្យ Army ស្របពេលដែលនាងមិនបានយកទៅផុសបន្តក្នុងគណនីរបស់នាងឡើយ។

គួរបញ្ជាក់ដែរថា ក្រោយរៀបអាពាហ៍ពិពាហ៍ហើយ គូស្នេហ៍មួយគូនេះកាន់តែផ្អែមល្ហែមខ្លាំងដោយក្រៅពីទំនេរពីការងារសិល្បៈហើយ អ្នកទាំង ២ តែងធ្វើដំណើរកម្សាន្ត ធ្វើម្ហូបនៅផ្ទះ ឬ ថតសកម្មភាពនានាដាក់ក្នុងយូធូបរបស់ខ្លួនជាដើម។

បើទោះបីជាមិត្តក្នុងសង្គមសិល្បៈម្នាក់ៗមានកូនគ្រប់គ្នាហើយក្តី តែគូនេះហាក់មិនទាន់លេចឮដំណឹងមានកូនដូចអ្នកដទៃឡើយ ប៉ុន្តែគូស្នេហ៍មួយនេះនៅតែសប្បាយនឹងជីវិតបច្ចុប្បន្នហាក់មានសេចក្តីសុខប្រៀបបីដូចគូស្នេហ៍ដែលទើបស្រលាញ់គ្នាថ្មីថ្មោងអ៊ីចឹងដែលជារឿយៗ Siwat តែផុសរូបជាមួយភរិយាដោយពោលពាក្យផ្អែមល្ហែមឃើញហើយចង់លើសជាតិស្ករ៕

អត្ថបទ៖ គង់ ចាន់ស្រីនុច