Connect with us

Man UTD ប្រើពេល៥នាទីចុងក្រោយវាយបកផ្តួល Juventus នៅ UEFA Champions League យប់មិញ

Man UTD បានក្តាប់ឱកាសដើម្បីត្រៀមឆ្លងវគ្គសន្សំពិន្ទុតាមពូល ពាន UEFA Champions League ក្រោយប្រើពេល៥នាទីចុងក្រោយ ដើម្បីវាយបកផ្តួល Juventus 2-1 កាលយប់មិញ។
ជាការពិត បន្ទាប់ពីភាពស្ងប់ស្ងាត់រក្សាពេញ៤៥ដំបូងរួចមក, ក្រុមសេះបង្កង់ដែលជាម្ចាស់ផ្ទះក៏រកបានគ្រាប់បាល់នាំមុខមុនដោយខ្សែប្រយុទ្ធ Cristiano Ronaldo ស៊ុតចូលអតីតក្រុមខ្លួននៅនាទី៦៥ ដោយ Leonardo Bonucci ជាអ្នកចែកបាល់អោយ។ ក្រុមអ្នកចាត់ការ Massimiliano Allegri មានសង្ឃឹមច្រើននៅក្នុងការប្រកួតនេះទៅហើយស្រាប់តែ នៅនាទី៨៦ Juan Mata បានទាត់បាល់ Free-Kick កោងចូលទីយ៉ាងស្អាត ជួយអោយ Man UTD តាមស្មើវិញ។ ចុងម៉ោងទៅហើយគឺ នៅនាទី ៩០ Leonardo Bonucci បានភ្លាត់ស្នៀត អោយបាល់ចូលទីខ្លួនឯង ក្រោយព្យាយាមរារាំងបាល់ Free-Kick របស់ Ashley Young ដែលគ្រាប់បាល់នេះធ្វើអោយ ក្រុមលោក Jose Mourinho ឈ្នះតែម្តង។
Juventus នៅឈរកំពូលតារាងពូល H ដដែលមាន ៩ពិន្ទុ ខណៈ Man UTD មាន៧ពិន្ទុ ឈរលេខ២។ រីឯ Valencia របស់អេស្ប៉ាញ ឈរលេខ៣ ក្រោយឈ្នះ Young Boys របស់ ៣ទល់នឹង១៕

  • អត្ថបទទាក់ទង :
  • Featured
Loading...

ពេញនិយម