រដ្ឋមន្រ្តីកសិកម្ម កោះប្រជុំមន្រ្តីជំនាញពិនិត្យលើការបែងចែកដីសង្គមកិច្ចដល់ពលរដ្ឋក្រីក្រនៅ ខេត្តគោលដៅចំនួន៥

៣ ឆ្នាំមុន

ខែវិច្ឆិកា ១២, ២០១៨ សង្គម

ភ្នំពេញ ៖ រដ្ឋមន្រ្តីក្រសួងកសិកម្ម កោះប្រជុំមន្រ្តីជំនាញ ដើម្បីធ្វើការពិនិត្យស្ថានភាព វឌ្ឍនភាព និង លទ្ធផលនៃការអនុវត្តគម្រោងបែងចែកដីសង្គមកិច្ច និងការអភិវឌ្ឍន៍សេដ្ឋកិច្ច ជំហានទី២។
បើតាមឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រម៉ាញ់ និងនេសាទ បានអោយដឹងថា គម្រោងការបែងចែកដីសម្រាប់ការអភិវឌ្ឍសង្គម និងសេដ្ឋកិច្ច ជាគម្រោងគាំទ្រដល់ការអនុវត្តកម្មវិធីសង្គមសម្បទានដីរបស់រាជរដ្ឋាភិបាល ក្នុងការចែកដីដល់គ្រួសារក្រីក្រគ្មានដី និង ខ្វះដី ។ តាមរយៈសម្បទានដីសង្គមកិច្ចនេះ គឺដើម្បីកែលម្អជីវភាពរស់នៅឲ្យប្រសើរនៅលើខេត្តគោលដៅចំនួន ០៥ រួមមាន ខេត្តតាកែវ ត្បូងឃ្មុំ កំពង់ធំ កំពង់ឆ្នាំង និងកំពង់ស្ពឺ ។
សូមបញ្ជាក់ថា កិច្ចប្រជុំនៅថ្ងៃទី ១២ ខែវិច្ឆិកានេះ ផ្តោតជាសំខាន់លើ៖

បញ្ហាប្រឈម និងចំណុចខ្វះខាតនៃការអនុវត្តគម្រោង
ការសិក្សា និងវាយតម្លៃឲ្យបានលំអិតលើស្ថានភាពដី និងការកំណត់តំបន់ដាំដុះ
ការធ្វើកសិកម្មស្របតាមកំណើនសេដ្ឋកិច្ច
ការរកដំណោះស្រាយ ធ្វើយ៉ាងណាឲ្យគម្រោងទទួលបានជោគជ័យ និង ធ្វើឲ្យប្រជាជនទទួលបានការអភិវឌ្ឍប្រកបដោយនិរន្តរភាព៕