Cristiano Ronaldo ព្រមទទួលពិន័យជិត១៩លានអឺរ៉ូនិងទោសក្រៅពន្ធនាគារ

ខ្សែប្រយុទ្ធ Cristiano Ronaldo ទីបំផុតទៅត្រូវបានរាយការណ៍ថាព្រមទទួលការពិន័យ១៨.៨លានអឺរ៉ូ និងការព្យួរទោសជាប់ពន្ធនាគារដើម្បីដោះស្រាយបទចោទលើការគេចពន្ធ។

តួឯករបស់ Real Madrid និងក្រុមជម្រើសជាតិព័រទុយហ្គាល់រងការចោទប្រកាន់ក្នុងឆ្នាំ២០១៧ពីបទបន្លំពន្ធក្នុងទំហំទឹកប្រាក់១៤.៨លានអឺរ៉ូ តែគេបានបដិសេធ។ Ronaldo បានផ្ដល់ការបង់សំណង១៤លានអឺរ៉ូក្នុងខែមិថុនាឆ្នាំ២០១៧ ប៉ុន្តែរដ្ឋាភិបាលអេស្ប៉ាញបដិសេធ។ នេះបើតាម El Mundo ចុះផ្សាយ។ សូមបញ្ជាក់ថា អាជ្ញាធរអេស្ប៉ាញមួយរយៈចុងក្រោយនេះបានចោទប្រកាន់កីឡាករបាល់ទាត់ល្បីៗជាច្រើនរូបពីបទគេចពន្ធលើប្រាក់ចំណូល៕