ក្រុមអធិរាជស Real Madrid តែងតាំងលោក Santiago Solari ជាគ្រូបង្វឹកផ្លូវការរយៈពេល៣ឆ្នាំ

ក្រុមអធិរាជស Real Madrid បានចេញសេចក្តីប្រកាសតែងតាំង លោក Santiago Solari ធ្វើជាអ្នកចាត់ការផ្លូវការរយៈពេល៣ឆ្នាំ។ បុរសជនជាតិអាហ្សង់ទីនវ័យ៤២ឆ្នាំបានជួយអោយក្រុមឈ្នះ៤ប្រកួតជាប់គ្នាហើយ ក្រោយមកដឹកនាំជំនួស លោក Julen Lopetegui ដែលត្រូវបានបណ្តេញចេញពីតំណែងកាលពីខែមុន។
ក្រុមជើងឯក La Liga ៣៣បានចេញសេចក្តីថ្លែងការជាផ្លូវការក្នុងការតែងតាំងនេះ ព្រោះច្បាប់របស់លីគបាល់ទាត់អេស្ប៉ាញមិនអោយមានគ្រូបង្វឹកបណ្តោះអាសន្នមកដឹកនាំក្រុមលើសពី២សប្តាហ៍ឡើយ។
លោក Santiago Solari បានក្លាយជាគ្រូបង្វឹកដែលចាប់ផ្តើមការងារយ៉ាងល្អបំផុតក្នុងប្រវត្តិសាស្ត្ររបស់ Real Madrid ក្រោយពីដឹកនាំក្រុមទទួលបានជ័យជំនះលើ Melilla នៅពាន Copa del Rey ឈ្នះ Viktoria Plzen នៅ UEFA Champions League និងឈ្នះ Real Valladolid រួមជាមួយ Celta Vigo នៅ La Liga៕