Connect with us

វារីអគ្គីសនីសេសានក្រោម២ នឹងដំណើរការពេញលេញ នៅពាក់កណ្តាលខែធ្នូ ឆ្នាំ២០១៨

ស្ទឹងត្រែង ៖ វារីអគ្គីសនីសេសានក្រោម២ ដែលមានអនុភាព ៤០០ មេហ្គាវ៉ាត់ នឹងត្រូវសម្ពោធដាក់អោយប្រើប្រាស់ជាផ្លូវការណ៍ នៅពាក់កណ្តាលខែធ្នូ ឆ្នាំ២០១៨ ខាងមុខនេះ ។
បើតាមឯកឧត្តម ស៊ុយ សែម រដ្ឋមន្រ្តីក្រសួងរ៉ែ និងថាមពល ដែលបានដឹកនាំគណៈប្រតិភូ និងក្រុមការងារខេត្តចុះពិនិត្យវឌ្ឍនភាព នៃការរៀបចំពិធីសម្ពោធដាក់ឲ្យប្រើប្រាស់ជាផ្លូវការនេះ បានអោយដឹងថា ប្រមុខនៃរាជរដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុន សែន នឹងអញ្ជើញជាអធិបតីភាពដ៏ខ្ពង់ខ្ពស់ក្នុងពិធីសម្ពោធវារីអគ្គីសនី ដ៏ធំមួយនេះ ។

គួររំលឹកថា ទំនប់វារីអគ្គិសនីសេសានក្រោម២ ស្ថិតនៅក្នុងឃុំភ្លុក ស្រុកសេសាន ខេត្តស្ទឹងត្រែង ជាទំនប់វារីអគ្គីសនីដែលធំជាងគេមួយនៅក្នុងប្រទេសកម្ពុជា បានបិទទ្វារទឹកកាលពីថ្ងៃទី២៥ ខែកញ្ញា ឆ្នាំ២០១៧កន្លងទៅ ក្រោមអធិបតីភាព សម្ដេចតេជោ ហ៊ុន សែន។

ទំនប់វារីអគ្គិសនីនេះ បណ្តាក់ទុនរួមគ្នារវាងក្រុមហ៊ុន Hydrolancang International Energy ក្រុមហ៊ុន Royal Group របស់អ្នកឧកញ៉ាគិត ម៉េង និងក្រុមហ៊ុន EVN មកពីប្រទេសវៀតណាម ៕

  • អត្ថបទទាក់ទង :
  • Featured
Loading...

ពេញនិយម