ក្លិប AC.Milan គ្រោងនាំយកខ្សែបម្រើកណ្ដាលរបស់ Chelsea ម្នាក់ នាខែមករាខាងមុខនេះ

Milan បានផ្សារភ្ជាប់ម្ដងទៀតជាមួយនឹងការដេញថ្លៃខ្សែបម្រើកណ្តាលរបស់ Chelsea កីឡាករ Cesc Fabregas ដោយសារតែក្លិបនៅអ៊ីតាលីមួយនេះកំពុងជួបវិបត្តិកីឡាកររបួស។  កីឡាករសញ្ជាតិអេស្ប៉ាញវ័យ ៣១ ឆ្នាំរូបនេះបានក្លាយជាគោលដៅរបស់ក្រុមបិសាចក្រហមអ៊ីតាលីម្តងហើយម្តងទៀតក្នុងរយៈពេលប៉ុន្មានឆ្នាំថ្មីៗនេះ ហើយកុងត្រារបស់អតីតខ្សែបម្រើ Arsenal រូបនេះនឹងត្រូវផុតកំណត់ជាមួយក្រុមតោខៀវនៅដំណាច់រដូវកាលនេះហើយ។

ក្រុម AC Milan កំពុងត្រូវការជំនួយបន្ថែមទៀតនៅតំបន់កណ្ដាល ខណៈដែលកីឡាករ Lucas Biglia និង Giacomo Bonaventura សុទ្ធសឹងសម្រាកព្យាបាលរបួសរយៈពេលយ៉ាងតិចបំផុត ២ខែ។ Fabregas ក៍មានការខកចិត្តជាមួយនឹងការខ្វះខាតពេលវេលាលេងនៅ Stamford Bridge ហេតុនេះរូបលោកយល់ព្រមទទួលប្រាក់នឿយហត់ទាបជាងប្រាក់ដែលទទួលបានពី Chelsea ជាច្រើនឆ្នាំដើម្បីជួយឲ្យការផ្លាស់ប្តូរនេះកើតឡើង៕

ប្រភព៖ TrollKhmer