Tottenham Hotspur ត្រៀមជះលុយ ៤០លានអឺរ៉ូដើម្បីនាំយកខ្សែបម្រើវ័យក្មេងសញ្ជាតិអ៊ីតាលីម្នាក់

ក្រោយ Tottenham Hotspur សាងសង់កីឡដ្ឋានជិតរួចរាល់ ឥឡូវនេះលេចឮថា ក្លិបត្រៀមខ្លួនរួចរាល់ដើម្បីចំណាយលុយ ៤០លានអឺរ៉ូសម្រាប់ខ្សែបម្រើរបស់ក្លិប Cagliari និងអ៊ីតាលី កីឡាករ Nicolò Barella។ កីឡាករវ័យ ២១ឆ្នាំរូបនេះមានការចាប់អារម្មណ៍យ៉ាងខ្លាំងនៅក្នុងការប្រកួតពានរង្វាន់ Nations League រវាងក្រុមជម្រើសជាតិអ៊ីតាលីជាមួយនឹងក្រុមជម្រើសជាតិប៉ូឡូញ និងព័រទុយហ្គាល់។

កីឡាកររូបនេះក៍ទទួលបានការចាប់អារម្មណ៍ពីក្លិបកំពូលៗនៅក្នុងស្រុកដូចជា Inter, Juventus, Roma និង Napoli ផងដែរ តែបើយោងតាមកាសែត Calciomercato បានឲ្យដឹងថា ក្រុមមាន់ខ្នាយមាសមានគម្រោងដាក់សំណើរ ៤០លានអឺរ៉ូទៅក្លិប Cagliari ដើម្បីនាំយកកីឡាករវ័យក្មេងរូបនេះ។ Barella ផ្ទាល់ក៍ធ្លាប់បាននិយាយជាច្រើនដងពីមុនថា រូបលោកពេញចិត្តនឹងផ្លាស់ទៅលេងនៅក្នុងប្រទេសអង់គ្លេស ព្រោះវាសមស្របនឹងរបៀបរស់នៅ និងទម្រង់លេងរបស់គេ៕

ប្រភព៖ TrollKhmer