Buffon រម្លឹកខួបថ្ងៃពិសេសដែលជាការបង្ហាញខ្លូនលើកដំបូងក្នុងក្របខ័ណ្ឌ Serie A

Gianluigi Buffon បានរម្លឹកខួបថ្ងៃពិសេសមួយ ដែលជាការបង្ហាញខ្លូនលើកដំបូងក្នុងក្របខ័ណ្ឌ Serie A ជាមួយក្លិប Parma។
អ្នកចាំទីអន្តរជាតិអ៊ីតាលីដ៏ល្បីល្បាញរូបនេះ បានរក្សាសំណាញ់ទី (clean-sheet) ក្នុងវ័យត្រឹមតែ ១៧ឆ្នាំ ក្នុងការបង្ហាញខ្លួនជាលើកដំបូងពេលក្រុម Parma ប៉ះ AC Milan ហើយរូបគាត់នៅតែរឹងមាំសម្រាប់ក្រុម Paris Saint-Germain ក្នុងវ័យ ៤០ឆ្នាំ។
អតីតអ្នកចាំទីចាស់វស្សារបស់ Juventus បានសរសេរនៅលើ Instagram របស់គាត់ថា ថ្ងៃទី១៩ ខែវិច្ឆិកា វាជាថ្ងៃដ៏ពិសេសសម្រាប់ខ្ញុំដែលជាថ្ងៃបង្ហាញខ្លួនដំបូងនៅក្នុងក្របខ័ណ្ឌ Serie A ជាមួយក្រុម Parma ក្នុងឆ្នាំ ១៩៩៥ ៕