រឿងសំខាន់ៗដែលត្រូវដឹងពីការប្រកួតបាល់ទាត់អូឡាំពិកផ្នែកបុរសទីក្រុងតូក្យូ ២០២០ ពីថ្ងៃទី២២ ខែកក្កដា ដល់ថ្ងៃទី៧ ខែសីហា

ការប្រកួតបាល់ទាត់ដែលត្រូវបានធ្វើឡើងរៀងរាល់បួនឆ្នាំម្តងគឺជាផ្នែកមួយនៃការប្រកួតអូឡាំពិកដែលមានលក្ខណៈទូលំទូលាយ ដែលផ្តល់ឱ្យប្រជាជាតិចំនួន១៦ប្រទេសផ្សេងគ្នា សហព័ន្ធបាល់ទាត់ទ្វីបទាំង៦ ដើម្បីជ្រើសរើសកីឡាករឆ្នើមរបស់ពួកគេឆ្ពោះទៅប្រកួតប្រជែងដើម្បីទទួលបានមេដាយ។ ជាមួយនឹងក្រុមជម្រើសជាតិតាមទ្វីបនីមួយៗដែលមានលក្ខណៈសម្បត្តិគ្រប់គ្រាន់ដែលនាំទៅរកព្រឹត្តិការណ៍ប្រកួតផ្តាច់ព្រ័ត្រដ៏គួរឱ្យរំភើប ការប្រកួតនេះត្រូវបានគេមើលឃើញថាមានប្រទេសចំនួន១៩ផ្សេងៗគ្នាបានដណ្តើមជើងឯក។

សហព័ន្ធបាល់ទាត់ទ្វីបទាំង៦ គឺសំដៅទៅលើ សហព័ន្ធបាល់ទាត់អាស៊ី (AFC) សហព័ន្ធបាល់ទាត់អាហ្វ្រិក (CAF) សហព័ន្ធបាល់ទាត់អាមេរិកខាងជើង អាមេរិកកណ្តាល និងតំបន់ការីបៀន (CONCACAF) សហព័ន្ធកីឡាបាល់ទាត់អាមេរិកខាងត្បូង (CONMEBOL) សហព័ន្ធបាល់ទាត់អូសេអានី (OFC) និងសហភាពសហព័ន្ធបាល់ទាត់អឺរ៉ុប (UEFA)។

នៅឆ្នាំនេះ ប្រជាជាតិចំនួន១៦គឺត្រូវបានបែកចែកតាមសហព័ន្ធបាល់ទាត់ទ្វីបទាំង៦រួមមានដូចខាងក្រោមនេះ
-សហព័ន្ធបាល់ទាត់អាស៊ី (AFC) ៖ អូស្ត្រាលី ជប៉ុន សាធារណរដ្ឋកូរ៉េ អារ៉ាប់ប៊ីសាអូឌីត
-សហព័ន្ធបាល់ទាត់អាហ្វ្រិក (CAF) ៖ កូតឌីវ័រ អេហ្ស៊ីប អាហ្វ្រិកខាងត្បូង
-សហព័ន្ធបាល់ទាត់អាមេរិកខាងជើង អាមេរិកកណ្តាល និងតំបន់ការីបៀន (CONCACAF) ៖ ហុងឌុយរ៉ាស ម៉ិកស៊ិក
-សហព័ន្ធកីឡាបាល់ទាត់អាមេរិកខាងត្បូង (CONMEBOL) ៖ អាហ្សង់ទីន ប្រេស៊ីល
-សហព័ន្ធបាល់ទាត់អូសេអានី (OFC) ៖ នូវែលហ្សេឡង់
-សហភាពសហព័ន្ធបាល់ទាត់អឺរ៉ុប (UEFA) ៖ បារាំង អាល្លឺម៉ង់ រូម៉ានី អេស្ប៉ាញ

ការប្រកួតបាល់ទាត់អូឡាំពិកផ្នែកបុរសទីក្រុងតូក្យូ ២០២០ នឹងប្រើប្រាស់ពហុកីឡដ្ឋានចំនួន៦ផ្សេងគ្នា ៖ ពហុកីឡដ្ឋាន Ibaraki Kashima, ពហុកីឡដ្ឋានអន្តរជាតិយូកូហាម៉ា, ពហុកីឡដ្ឋានមីយ៉ាហ្គី, ពហុកីឡាដ្ឋានជាតិអូឡាំពិកតូក្យូ, ពហុកីឡាដ្ឋាន Saitama និង ពហុកីឡដ្ឋាន Sapporo ៕