Connect with us

ពលរដ្ឋនៅភ្នំពេញ កុំភ្លេចទៅទស្សនាទូក«ង» វែងជាងគេលើពិភពលោក ដែលកំពុងដាក់តាំងបង្ហាញនៅវាលព្រះមេរុហ៍

ភ្នំពេញ៖ ទូក«ង» ដែលវែងជាងគេលើពិភពលោក ត្រូវបានរំកិលយកមកដាក់តាំងបង្ហាញនៅវាលព្រះមេរុហ៍ ដើម្បីអោយប្រជាពលរដ្ឋ នេះបើយោង តាមប្រធានគណកម្មការផលិតទូក ។
ឯកឧត្តម ស សុខា ប្រធានគណៈកម្មាធិការផលិតទូក «ង» វែងជាងគេលើពិភពលោក ក៏បានអំពាវនាវដល់ប្រជាពលរដ្ឋ សូមអញ្ជើញមកទស្សនាទូក «ង» ឈ្មោះ «កម្ពោជិកបុត្តាខេមរាតរី» ដែលកំពុងដាក់តាំងបង្ហាញនេះ ដោយឥតគិតថ្លៃចាប់ពីថ្ងៃនេះ ដល់ថ្ងៃទី៣០ ខែវិច្ឆិកា ។
សូមរម្លឹកថា ទូក «ង» ដែលវែងជាងគេ ហើយផលិតដោយស្នាដៃកូនខ្មែរនេះ ត្រូវបានជាប់ឯកទគ្គកម្មពិភពលោកជាផ្លូវការ នៅថ្ងៃទី១២ ខែវិច្ឆិកា ឆ្នាំ២០១៨ ដោយមានការចូលរួមពីលោក Pravin Patel អ្នកវិច្ឆ័យ World Guinness Record ដែលប្រារព្ធធ្វើនៅតំបន់អ្នកលឿងត្រើយខាងកើត ក្រោមអធិបតីភាព សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ។
ទូកនេះ មានប្រវែងរហូតដល់៨៧.៣ម៉ែត្រ, ទទឹង១.៩៤ម៉ែត្រ និងជម្រៅ០.៨ម៉ែត្រ ត្រូវរចនាឡើងដោយផ្នែកខាងក្បាលទូក ធ្វើជាក្បាលនាគ និងកន្ទុយហង្ស ប្រកបដោយក្បូរក្បាច់រចនាល្អប្រណិត ដែលផ្ទុកបានចំណុះ រហូតដល់១៧៩នាក់ឯណោះ ដោយ១០០នាក់មកពីទាហានជើងទឹក និង៧៩នាក់ មកពីនគរបាលជើងទឹក៕

  • អត្ថបទទាក់ទង :
  • Featured
Loading...

ពេញនិយម