តារាចម្រៀងកូរ៉េ Park Jiyeon សមាជិកក្រុម T-ARA ចុះហត្ថលេខាកិច្ចសន្យាផ្តាច់មុខជាមួយដៃគូរក្រុមហ៊ុនថ្មីជំនាញប្រូម៉ូតតួរសម្តែង

នៅថ្ងៃទី 23 ខែ វិច្ឆិកា ក្រុមហ៊ុនដៃគូ “Part” បានប្រកាសថាគាំទ្រគ្រប់ជ្រុងជ្រោយដល់តារាចម្រៀងកូរ៉េ Park Jiyeon ក្នុងនាមជាក្រុមហ៊ុនទទួលគ្រប់គ្រងថ្មី។ «យើងនឹងទទួលខុសត្រូវព្រមទាំងចាត់ចែងទាំងអស់លើការប្រគុំតន្ត្រី ក៏ដូចជាការសម្តែងរបស់កញ្ញា Park Jiyeon នៅក្នុងប្រទេសកូរ៉េ ហើយយើងនឹងខិតខំធ្វើឲ្យកញ្ញា “Jiyeon” កាន់តែមានប្រជាប្រិយ៍មួយកំរិតទៀត។»

ក្រុមហ៊ុនដៃគូ “Part” គឺជាទីភ្នាក់ងារគ្រប់គ្រងដែលផ្តោតលើតារាសម្តែង ហើយបច្ចុប្បន្ននេះ ក្រុមហ៊ុន “Part” កំពុងគ្រប់គ្រងតារាជាច្រើនដូចជា Han Ye Seul, Ku Hye Sun, Cha Joo Young ព្រមទាំងតារាជាច្រើនរូបទៀត។

គួរបញ្ចាក់ផងដែរថាបន្ទាប់ពីចេញអាល់ប៊ុមជាមួយ T-ARA កាលពីឆ្នាំ 2009 តារាចម្រៀងកូរ៉េ Jiyeon និងក្រុមរបស់នាងបានចេញបទចម្រៀងល្បី ៗ ជាច្រើនដូចជា “Lie”, “Bo Beep Bo Beep”, “Crazy Because of You” ជាដើម។ ក្នុងឆ្នាំ 2014 Jiyeon ថែមទាំងបានចេញអាល់ប៊ុមទោលដែលដាក់ចំណងជើងថា “Never Ever” ហើយត្រូវបានគេទទួលស្គាល់ថាជាតួរសម្តែងដ៏មានប្រជាប្រិយ៍ភាពជាងនៅក្នុងមិត្តរួមក្រុម T-ARA ទៀត ៕

អត្ថបទ៖ ឡុង រតនា