ពេលវេលាប្រកួតរបស់កីឡាករ-កីឡាការិនីកម្ពុជាក្នុងការប្រកួតអូឡាំពិកនៅក្រុងតូក្យូ

តូក្យូ៖ កីឡាហែលទឹក រួមមានកីឡាករ ហែម ប៊ុច និងកីឡាការិនី ឃឿន ប៊ុនពេជ្រមរកត ដែលត្រូវប្រកួតលើវិញ្ញាសា ហែល៥០ម៉ែត្រសេរី នឹងត្រូវប្រកួតនាវេលាម៉ោង១៩៖០០នាទីថ្ងៃទី៣០ ខែកក្កដា ឆ្នាំ២០២១ (ត្រូវនឹងម៉ោង ៥ល្ងាចម៉ោងនៅ កម្ពុជា) នៅមជ្ឈមណ្ឌលកីឡាហែលទឹក Tokyo Aquatics Centre ។

កីឡាអត្តពលកម្ម គឺកីឡាករ ប៉ែន សុគង់ ដែលត្រូវប្រកួតលើវិញ្ញាសារត់ល្បឿនចម្ងាយ ១០០ម៉ែត្រ នឹងត្រូវប្រកួតនាវេលាម៉ោង១៩៖៤៥ នាទីថ្ងៃទី៣១ ខែកក្កដា ឆ្នាំ២០២១ (ត្រូវនឹងម៉ោង៥៖៤៥នាទី ល្ងាច ម៉ោងនៅកម្ពុជា) នៅពហុកីឡដ្ឋាន Olympic Stadium ៕