អាណិត Song Joong Ki ណាស់! ហេតុតែម្តាយចង់បានកូនស្រីខ្លាំងពេកទើបតារាប្រុសរូបនេះត្រូវម្តាយចាប់តែងស្រីឱ្យរាល់ថ្ងៃ

កូរ៉េខាងត្បូង៖ តារាសម្តែងកំពូលប្រចាំកូរ៉េខាងត្បូង Song Joong Ki ធ្លាប់បានចែករំលែកជីវិតពេលកុមារភាពក្នុងកម្មវិធីជួបជុំអ្នកគាំទ្រដោយលោកបានបញ្ជាក់ថា ហេតុតែម្តាយលោកចង់បានកូនទី២ជាកូនស្រីពេក ទើបលោកត្រូវម្តាយចាប់តែងខ្លួនដូចកូនស្រីរាល់ថ្ងៃ ជារឿយៗលោកត្រូវបានម្តាយស្លៀកសម្លៀកបំពាក់ពណ៌ផ្កាឈូកឱ្យរហូតគ្រប់គ្នាតែងយល់ច្រលំថាលោកជាកូនស្រីគ្រប់គ្នា។

ប៉ុន្តែរាល់ពេលដែលអ្នកជិតខាងយល់ច្រលំថាលោកជាកូនស្រី និងសរសើរថាស្អាតម្តងៗ លោកតែងប្រាប់គ្រប់គ្នាថា លោកមិនមែនកូនស្រីឡើយ ឈប់សរសើរថាលោកស្អាតទៀត។ យ៉ាងណាមិញ Song Joong Ki បានបន្ថែមទៀតថា លោកចេះមានស្នេហាតាំងពីក្មេងដោយលោកបានលួចស្រលាញ់ក្មេងស្រីម្នាក់រៀននៅសាលាជាមួយគ្នា ហើយលោកតែងទៅអង្គុយក្នុងថ្នាក់ Crush របស់ខ្លួនរាល់ថ្ងៃ មិនមានអ្នកណាអាចបញ្ឈប់លោកបានឡើយ៕