Connect with us

Hazard៖ ប្រសិនបើខ្ញុំមិនបន្តកិច្ចសន្យាថ្មីជាមួយ Chelsea នោះ​ ការផ្ទេរចេញពីក្លិបអាចនឹងកើតឡើងនៅរដូវកាលក្រោយ

អង់គ្លេស÷ Eden Hazard ដែលត្រូវបានផ្សារភ្ជាប់ជាមួយនឹងក្រុម Real Madrid បាននិយាយជាថ្មីម្តងទៀតពីអនាគតរបស់ខ្លួនថា ការផ្លាស់ចេញពីក្លិប Chelsea អាចនឹងកើតឡើងនៅរដូវកាលក្រោយ។ Hazard ពេលនេះ​ កំពុងលេងក្នុងរដូវកាលទី៧នៅកីឡដ្ឋាន Stamford Bridge ប៉ុន្តែគេត្រូវបានទាក់ទងជារឿយៗក្នុងការផ្លាស់ទៅក្លិបយក្សនៅ La Liga គឺ Real Madrid។ កីឡាករសញ្ជាតិបែលហ្ស៊ិកដែលសល់កុងត្រាដល់ឆ្នាំ២០២០ បានឲ្យដឹងថា គេអាចនឹងផ្លាស់ចេញ ក្រោយចប់រដូវកាលនេះ ប៉ុន្តែក៏អាចបន្តកិច្ចសន្យាបន្ថែមនៅ Chelsea ដូចគ្នា។

កីឡាករវ័យ ២៧ឆ្នាំរូបនេះ​ បាននិយាយថា នៅក្នុងខែមករា​ ខ្ញុំនឹងនៅសល់កិច្ចសន្យាមួយឆ្នាំទៀត។ ប្រសិនបើខ្ញុំមិនបន្តកុងត្រាថ្មីទេ នោះការផ្ទេរចេញពី Chelsea នឹងអាចកើតឡើង ប៉ុន្តែនៅរដូវក្តៅខាងក្រោយ មិនមែននៅខែមករាទេ ព្រោះខ្ញុំនឹងមិនធ្វើរឿងបែបនេះ​ ចំពោះក្លិប និងអ្នកគាំទ្រឡើយ។

Hazard ក៏បានសារភាពផងដែរទៅកាន់កាសែត Canal + ថា រូបលោក​ ត្រូវបានទាក់ទងដោយ Paris Saint-Germain ប៉ុន្តែបានបញ្ជាក់យ៉ាងច្បាស់ថា ប្រសិនបើគាត់វិលត្រឡប់ទៅប្រទេសបារាំងវិញនោះ​ លោកនឹងទៅចូលរួមជាមួយអតីតក្លិប Lille ៕

ប្រភព៖ TrollKhmer

  • អត្ថបទទាក់ទង :
  • Featured
Loading...

ពេញនិយម